話說係三個月之前，十三郎就決定左要聽老師既說話，每日做寫作練習。
而十二少，即係我呢，就係第二個月先開始寫，我地最大既分別就係，
佢真係要每日咁寫，我就一次過寫曬出黎，之後排期每日出街，
咁其實有咩分別呢？

「飛色高」黎講，最大既分別就係佢就星期一至五都要用10-20分鐘黎寫，我就一次過用2個鐘就寫曬。
而且從睇既人黎講(即係我地自己)，會覺得一口氣寫既會有D連帶既感覺，無每日寫咁散，這看性會好似大好多。
因為一口氣寫既時候個感覺一直都會係到，但如果係寫長篇就真係「唔夠氣」寫落去。

從寫野既人黎睇，十三郎佢就好似每日都有左小小時間去觀察同思考，
好似老師所講，睇既野係仔細左小小，同埋角度多左D，雖然未必係有趣，

但一方面可以習慣定時定候去思考去寫作，只要定一個方向同寫好大綱同人物設定，
應該可以「夾」住D氣黎寫完個長篇既！
所以我都幾「拜」每日練習呢個工作既，因為長篇就係呢種工作。

咁我就當然係應付左需要，就好似考完個試就咩都比返曬老師咁，
不過我就有返自己既時間去構思新既故仔架！
亦都可以好隨心去做其他資料收集。

本來都想繼續玩呢個實驗既，不過都係唔好係長篇到搶咁多更新排名，
每日寫三句，之後又更新搶左人地個位咁，
呢D每日既工作留返比十三郎啦，反正都想認認真真咁寫返個長篇既故仔，

咁就不如集中D做返自己想做既野啦！

希望真係可以完成到自己第一個長篇啦！因為亦都係呢個原因，
所以會係寫完曬整個長篇先會出街，咁就一定有結局同唔洗甩稿，
但口味中唔中大家就真係唔知，因為係好個人既感覺，
真係鍾意既，就希望大家追稿同分享，
因為我地既寫作團隊中的作者... ...

我仍然唔敢稱呼自己做作家，呢個「蒲」太大，受唔起，
對「家」呢個「剃刀」既解釋可以參考香港某個大電視台既節目，叫最街男主腳定配腳咁既名
黃秋生係訪問中講過咩先有資格叫做「家」。例如思考家、藝術家... ...

吹得太遠，我地既寫作團隊中的作者先有動力再寫落去！感激感激！

By 十二少