麥仔是我的百科全書。

我極度同意
女仔同個有番小小知識既男仔拍拖可以提昇智慧
近朱者赤，同井底蛙一齊只會變另一隻井底蛙
而我已經係井底蛙，所以要同番啲識小小野既人一齊先得
依家有啲咩我都會請問麥仔
然後佢都通常會答到我。

（拿，我唔係扮傻豬仔問：下bb點解毛蟲會變蝴蝶既？）

我會問佢其實邊個張德江，好重要咖？

麥仔：哦果陣03年呀就係佢唔通報沙士香港先食咁多人咖囉！
我：下關佢咩事
麥仔：當年呢條hihi係廣東省乜乜乜...鄭婉雯醫生先會死....
時事從來都難唔到佢
同佢一齊之後我對時事既理解簡直突飛猛進

或者我會問下佢娛樂圈阿邊個以前係做咩 佢又知。
問佢中西歷史 佢仲記得中學讀既野

而且我喺到打野佢每次都會幫我搵錯字
（that's why喺到您應該好難發現我打錯異字）
連打求職信一堆英文佢都會幫我執好gramma

可能您會心諗我好廢啦咩都唔識
但我會覺得麥仔記性驚人，佢記得老師教既野
而我求學只是求分數，從來無吸收過知識
所以我心裡都有啲欣賞麥仔 雖然我從來無對佢講過
當然我相信每次我問佢，佢應該都好沾沾
可以喺我呢隻井底蛙面前顯示智慧。

圖為張德江（我google咋應該係～除非唔係）

我的專頁：https://www.facebook.com/hkgirlfriend/