其實大家唔覺得帶左color con既女仔好恐怖咩？

我覺得呀！
唔知係咪睇得太多關於娃鬼回魂呀Anabelle太多
成日覺得望唔穿佢地對眼，好無靈魂
當靈魂之窗無左靈魂，甘咪淨番個框框囉。

同埋帶左大眼仔既女仔感覺好難接觸
有陣距離感，定唔知係我本身想遠離佢地
總之我有種好想望佢地對眼但又好怕望佢地對眼既感覺

然後我會開始幻想佢除左對con之後
瞳孔係咪豆椒咁細咖？ 一定係！

大眼仔仲有樣神秘野
好似淨係女仔先睇到人地帶左
我身邊D男仔永遠睇唔出個女仔帶左咖喎！

試過有兩個男同事同一個女同事做野做左一年
日對夜對，有日個女仔行開左
其中一個男仔突然問另一個男仔，喂其實佢係咪帶左color con

然後居然兩個都答唔到走來問我喎
我話：下好明顯啦您地一齊做左成年野喎
佢地異口同聲話：係咩好似帶唔帶都差不多～

唔知男人睇女人係咪太多野要睇好易分心
佢地總係睇唔到女仔有無帶大眼仔或者有無化妝
即使個女仔明明成pat粉，都可以話係咩睇唔出喎～

哎呀唔知會得罪幾多帶大眼仔既女人
疏呀帶番頭盔呀下...

我的專頁：https://www.facebook.com/hkgirlfriend/