我成日覺得女仔就唔應該奉旨洗男朋友錢既..
奉旨洗哂您啲錢既 應該做慣公主，當您係兵。

我同麥仔由未拍拖曖昧時候開始都係AA制，
與其說AA制，應該話通常佢六我四，
我畀睇戲佢咪請我食飯咁囉。每次畀錢一人一半就太婆媽失禮

一來我覺得佢又唔係飛黃騰達搵幾十萬洗唔哂啲錢
二來我真係唔好意思每次都要人幫自己畀錢
三來自己畀錢既嗌碟貴啲既餸都夠膽大聲啲
真係咖，我話請佢食飯時我嗌餸都特別安心又勇敢haa.

試過有次我同兩個朋友食飯
其中一個女仔帶左佢男朋友一齊食飯

到畀錢既時候個女仔叫個男朋友畀錢啦..係畀哂成張單
於是我同另外個朋友係咁話痴線啦唔洗呀乜乜乜
我地拎哂錢遞畀個男朋友，我覺得佢眼神都有啲動搖想拎..
但個女朋友就幫佢拒絕哂我地，
仲講左句：呢到得佢一個男仔嘛梗係佢畀錢啦....

嘩大佬呀我第一次見佢男朋友就食左人餐飯
於是畀完錢我真係背脊骨落，唔好意思到想即刻走啦拜拜。

但我知道呢啲女仔世間有好多。
當然如果個男仔講緊係每個月搵十幾廿萬，我覺得還好
但如果個男朋友都係搵雞碎咁多.. 真係於心何忍呀？

有時我都理解唔到成日叫男朋友買名牌既女仔

要個男朋友死慳死抵，平時已經食佢既錢用佢既錢
仲要人送咁貴重既野。
唉我好菇寒，我自己唔捨得買既野都唔捨得男朋友買畀我
我情願佢平日食好啲或者儲埋啲錢好過。
畢竟～您係咁洗哂佢啲錢，佢仲邊草到錢去建築您地既未來先

我知，可能您會係到笑9我蠢，
又或者您男朋友真係有錢到啲錢洗唔哂～
不過我始終認為，只懂接收不懂付出既女朋友 真係把鬼。

所以，應該感恩您女朋友肯同您AA制。
（麥仔我係好女人尼咖您知咖！）

我的專頁：https://www.facebook.com/hkgirlfriend/