睇完呢篇野，講啲內容比人聽，啲人就會覺得你博學多才！
到底忘記一樣野係咪好事呢？（讀左三年心理學，今日終於派上用場）當然，如果你同你嘅 ex分手，你當然恨不得忘記同佢嘅回憶。係某啲情況底下，忘記係一件好事。例如，你經歷左啲好傷心好痛苦嘅事，你會好希望忘記佢。另外，忘記可以幫助你去整合記憶，令你忘記事情上嘅小細節。就好似一粒有核嘅提子咁，你食嘅時候，都唔會食埋啲核。果啲生活上嘅小細節，就好似核一樣，會扔落垃圾桶，忘記左。
咁有傳聞話，有一啲藥同催眠可以令你記番起呢啲遺棄左嘅記憶。從科學上黎講，催眠同藥物係唔會令你記番起果堆遺忘左嘅記憶，亦唔會提升記憶力。研究指出人係催眠師嘅引導之下，比平常更願意透露更多。但佢地所透露嘅記憶，係混合左猜測，推斷同回憶，唔係100%準確。而藥物只係令到人更加放鬆，同鬆懈，從而比平常講更多，所以比其他人一種錯覺以為佢食左果啲藥會記番起以前嘅野。
但係，有人係真係可以過目不忘。呢個症狀叫”hyperthymesia” 。Brad William, 佢記得晒生活上嘅小細節，佢可以講得出12年前嘅午餐食咩野，亦可以講得出好多大事件發生嘅日子。我地仍然唔知道hyperthymesia 嘅成因。不過，如果比你簡，你會唔會想有呢種能力呢？
對唔住，今日純粹講下書本上一啲有趣嘅小知識。因為我諗唔到有啲咩野好抒發。（應該話係溫書溫到傻左）
如果大家喜歡呢一類型嘅文章，不妨比個like，或者話我知，我之後會寫多啲。（有錯嘅，咁真係本textbook嘅問題，唔關我事，哈哈）
仲有，好重要，鍾意我嘅文章，不妨去我facebook專頁，比我like我: )
