呢幾日網上瘋傳既Side Angle Side神曲
成功洗左不少人既腦
尋日全日喺公司都聽到人唱..

到放工見到男朋友既時候
我開始喺佢隔離唱
唱唱下就不期然跳起呢隻舞..
「side angle side, side side side.」

「喂好多人咖！」
原來我忘記左我地身處係人來人往既街道

忘形到唱到最後舉起雙手達至高潮 yeah

佢應該覺得好丟臉
因為我成日都係街到做埋啲智障野
唔係因為我唔怕醜唔怕人望
係因為同佢一齊我成日忘記周圍係有好多人
我淨係掛住係佢隔離玩係佢隔離發癲
而完全忘記左周遭有好多第三四五六七者係到

於是好多時都係男朋友叫我 喂冷靜啲啦
或者佢一面尷尬係旁邊望住我失常

但其實得番我地兩個人既時候
佢先係會扭屎忽失常跳舞果個囉。

我都好怕醜 不過係佢面前從來唔怕
鬥醜鬥噁心是我地既興趣
生活好無聊 番工時要顧下自己形象
又要顧住社會上其他人點睇自己等等
真係您有壓力我有壓力
難得喺一個人面前可以盡情智障
就梗係加多幾分力啦

今日放工一齊跳啦bb??

我的專頁：https://www.facebook.com/hkgirlfriend/