欣宜有首新歌，叫「女神」
（https://www.youtube.com/watch?v=Nv3KUcb5RHA）

首歌大概都係想同大家講
即使您無身材無樣貌無兵無幾千個follower
其實您都係女神，唔洗自卑唔洗睇唔起自己等等等等。

由二百磅既欣宜唱，說服力都增加一倍
點解我想講呢首歌呢？

因為我都試過好在意別人點睇自己
我都沒有標準身材沒有美麗臉蛋
於是曾經的我真的好自卑

中學讀女校，然後讀大學開始接觸殘酷的小社會
開始明白以貌取人先係社會指標

靚女型男，或者著衫打扮得靚D既同學永遠都係多朋友
毒男肥妹醜人永遠都係同番同類人玩
呢個係事實。

於是大學時期好怕自己會畀人歸類去醜怪毒既一邊
所以努力一點打扮自己
當然不是女神樣永遠都扮唔到女神
但都勤力D去電下髮呀搽下指甲油呀每日都一定化妝番學
雖然永遠扮唔到靚女，但幸好沒有被歸類。

到後來，認識了依家既男朋友
開頭我都唔係太想唔化妝係佢面前出現

但一次素顏，佢話「下您無化妝咩？咪又係甘」
然後佢開始話我知，其實化同唔化真係差唔遠
反正化完都無變女神～而且化妝對皮膚好差等等

潛移默化之下，我開始素顏出街番工
喂您知唔知無野撻係執面到其實幾舒服
又唔洗落妝唔洗補妝，皮膚都好D喎
然後我開始愛上素顏。

依家甚至同朋友出街我都放棄化妝
開始唔太介意別人點睇，反而在意自己舒唔舒服多D

只要您愛的人覺得您素顏都係靚就夠啦～

所以啦，與其要將自己扮到第二個人博人喜歡
不過做個最真實的自己去讓人喜歡真正的您。

加油豬扒朋友們！

我的專頁：https://www.facebook.com/hkgirlfriend/