每個月出糧，都係人生最充滿希望嘅日子！平時我食飯都以最平為原則，芝士加杯麵，麵包夾咖哩磚都可以當一餐。
但同女朋友出街就特別闊佬！兩個人洗錢好似特別開心咁。去到糧尾，就會好似個修行僧咁，幾乎去到捉烏蠅食咁濟！
不過咁，雖則係出糧，但女朋友買衫你唔阻止佢，就好似洪水氾濫咁一發不可收拾。
「呢件靚唔靚啊？」
「隻色好似唔太襯你…」
「呢件呢？」
「隻色好靚，可惜個花紋就太低Ｂ！」
「咁…呢件喇！」
我瞄一瞄件衫個價錢牌，嘩！大佬…幾塊布咁左疊右疊就成千蚊？！唔好去搶？
「老老實實，隻色襯妳，個花紋都ＯＫ，但係…有啲貴！」
「搞錯啊，你啱啱出糧喎，仲有你記唔記得今日係咩大日子？」
金翅咇咇鳥！唔記得！
「梗係記得啦！妳知唔知我期待咗今日幾耐啊～」
「件衫就當我哋第一次旅行一齊刷牙紀念日嘅禮物啦～」
究竟呢個係咩紀念日黎…
正當我困惑之際，女朋友已經去咗畀錢…
「攰攰地，不如去飲杯咖啡吖！」
「咖啡好丫！點都唔會成千蚊～」
粗略估計，每個月都有咩咩咩紀念日，但佢永遠就將自己當係禮物送畀我，邊有人將份禮物送幾十次嫁！
「其實呢間咖啡都唔太好飲，點解妳咁鍾意黎呢間？」
「乜你唔記得咩？呢間coffee shop，同埋坐緊呢個位啊！係好有紀念價值嫁！」
又紀念？！點記得咁多啊！女友拎本「數簿」出黎，本簿係我同佢之間嘅日記。點解叫數簿唔叫日記？因為佢連價錢都會寫埋上去…
「你睇吓，呢度係我哋第一次約會黎嘅地方！當日都係坐呢張枱嫁！」女友仲拎手機搵返幅相畀我睇。
「咦？乜我當年個樣咁咸濕嘅…」
「你不嬲都…」
女朋友身兼務財大臣同領導人，除咗會喺張卡數上面註明每個費用，仲痴線到會好似垃圾分類咁將啲洗費分類，睇吓嗰個月咩洗費用得最多…
我發現女朋友真係宇宙間最識得用錢嘅生物黎。
不過同親佢出街食飯，就算食同一間餐廳十幾次都唔會厭。
可能呢啲就係回憶，愈食愈有味。
到咗糧尾，本來我就斷咗七情六慾，但前排同班fd講起隻新game《The Division》，睇黎我要有戰略地去攻破女朋友先得！於是，我就以一副韓式暖男姿態走去幫佢按摩膊頭。
「女皇大人，我有嘢想請示，不如食飯慢慢傾～」
「不過你『月尾未到、糧尾先至』，今餐一齊食公仔麵啦，你煮多個聽日帶返工！」
「吓！咁慘？唔洗嘛…用住儲蓄資金先囉。」
「唔得！Set咗Quota嘛！」
頂…後門都畀女朋友關埋？！
「咦！呢度有兩百蚊嘅卡數，咩黎？」女朋友望見張信用卡單問我。
「呢個…前排手機Game有活動，我忍唔到手抽咗幾次蛋…」
「搞錯啊！又亂洗錢！你唔同我講嘅！」
呢一個moment，我感覺到體內想打機嘅一團火，要爆喇！
又紀念？！點記得咁多啊！女友拎本「數簿」出黎，本簿係我同佢之間嘅日記。點解叫數簿唔叫日記？因為佢連價錢都會寫埋上去…
「你睇吓，呢度係我哋第一次約會黎嘅地方！當日都係坐呢張枱嫁！」女友仲拎手機搵返幅相畀我睇。
「咦？乜我當年個樣咁咸濕嘅…」
「你不嬲都…」
女朋友身兼務財大臣同領導人，除咗會喺張卡數上面註明每個費用，仲痴線到會好似垃圾分類咁將啲洗費分類，睇吓嗰個月咩洗費用得最多…
我發現女朋友真係宇宙間最識得用錢嘅生物黎。
不過同親佢出街食飯，就算食同一間餐廳十幾次都唔會厭。
可能呢啲就係回憶，愈食愈有味。
到咗糧尾，本來我就斷咗七情六慾，但前排同班fd講起隻新game《The Division》，睇黎我要有戰略地去攻破女朋友先得！於是，我就以一副韓式暖男姿態走去幫佢按摩膊頭。
「女皇大人，我有嘢想請示，不如食飯慢慢傾～」
「不過你『月尾未到、糧尾先至』，今餐一齊食公仔麵啦，你煮多個聽日帶返工！」
「吓！咁慘？唔洗嘛…用住儲蓄資金先囉。」
「唔得！Set咗Quota嘛！」
頂…後門都畀女朋友關埋？！
「咦！呢度有兩百蚊嘅卡數，咩黎？」女朋友望見張信用卡單問我。
「呢個…前排手機Game有活動，我忍唔到手抽咗幾次蛋…」
「搞錯啊！又亂洗錢！你唔同我講嘅！」
呢一個moment，我感覺到體內想打機嘅一團火，要爆喇！
「咁我都係想輕鬆吓啫 …」
「輕鬆？你之前又係抽蛋，抽咗成千蚊啊！」
「都好多年前啦，洗唔洗記咁耐啊…」
「我就係知你個人無節制，所以我先幫你管住啲錢咋！」
「妳咪又係成日買衫！」
「我見換季減價，儲信用卡積分先買咋，仲有啊！你成日一件T-shirt打天下，好多衫都係幫你買嫁！。」
我瞄到張月費單，有個數350蚊隔離無寫到買咗乜，就即刻拎起張單。
「呢350蚊點解釋啊？換季定減價啊？成日話妳有Quota，但Quota入面永遠都無我…」
嬲到我呢！連啲愛情電影嘅金句都爆埋出黎！
講到一半，女朋友喺個袋度拎咗樣嘢出黎放喺枱面…
係隻《The Division》。
「？！」
「我諗過嫁啦，宅喺屋企打機就最慳錢…所以我去信和問人而家邊隻Game最受歡迎囉，老闆諗都唔諗就介紹呢隻畀我。我用信用卡獎賞錢換嫁，我係咪好識慳錢呢？」
「女皇大人～請受小弟一拜！」我飛撲過去摟住女朋友。
「係呢！頭先你講到走晒音咁，想講乜？」
「無嘢，不如我哋即刻試吓隻Game啦～」
「好啊～」
原來，女朋友個Quota入面…仲有我～
打機要勁裝備，我最勁嘅裝備，就係女朋友！
有個糧頭幫我交晒所有雜費，糧尾又肯陪我捱公仔麵…
仲要陪我打機嘅女朋友。
呢件裝備喺邊度搵啊？
ig：BlueGodZi
「輕鬆？你之前又係抽蛋，抽咗成千蚊啊！」
「都好多年前啦，洗唔洗記咁耐啊…」
「我就係知你個人無節制，所以我先幫你管住啲錢咋！」
「妳咪又係成日買衫！」
「我見換季減價，儲信用卡積分先買咋，仲有啊！你成日一件T-shirt打天下，好多衫都係幫你買嫁！。」
我瞄到張月費單，有個數350蚊隔離無寫到買咗乜，就即刻拎起張單。
「呢350蚊點解釋啊？換季定減價啊？成日話妳有Quota，但Quota入面永遠都無我…」
嬲到我呢！連啲愛情電影嘅金句都爆埋出黎！
講到一半，女朋友喺個袋度拎咗樣嘢出黎放喺枱面…
係隻《The Division》。
「？！」
「我諗過嫁啦，宅喺屋企打機就最慳錢…所以我去信和問人而家邊隻Game最受歡迎囉，老闆諗都唔諗就介紹呢隻畀我。我用信用卡獎賞錢換嫁，我係咪好識慳錢呢？」
「女皇大人～請受小弟一拜！」我飛撲過去摟住女朋友。
「係呢！頭先你講到走晒音咁，想講乜？」
「無嘢，不如我哋即刻試吓隻Game啦～」
「好啊～」
原來，女朋友個Quota入面…仲有我～
打機要勁裝備，我最勁嘅裝備，就係女朋友！
有個糧頭幫我交晒所有雜費，糧尾又肯陪我捱公仔麵…
仲要陪我打機嘅女朋友。
呢件裝備喺邊度搵啊？
ig：BlueGodZi
