每個辦公室，總會有一個悲劇人物。他叫「阿慘」。
每逢星期一，阿慘總會有親戚過身，或者身患重病，無法上班。
「老闆，我阿嫲佢、佢…」阿慘哽咽。
「你阿嫲？！上兩個月唔係已經去咗喇咩？」
「嗰個係契嫲…」
「……」
老闆不能貿然說阿慘呃人，只好暗地裡弄一個「阿慘族譜」
哪一個親戚死了就打交叉，等待狐狸露出尾巴。
據阿慘所述，他上兩代的親戚已全數在天堂生活。
下次，只能讓阿姨阿叔患上重病了…
此外，他還是公司裡個藥房。
胃藥、感冒藥、咳藥水…應有盡有。
幾乎每個星期一阿慘都會病，患哪種病就看藥櫃哪隻藥缺貨。
他有一句格言：「病咗都要返工，因為病咗請病假實在太奢侈…」
「呢隻無睡意，飯後食，每四個鐘食一次。」
阿慘將醫生開給他，寫有他名字的藥塞給同事。
他看著「藥櫃」思忖，「呢排天氣忽冷忽熱，入多幾包感冒藥先。」
公司裡的勤力仔女，當然看阿慘很不順眼。
他們每晚無償OT，病了就戴口罩做到昏倒為止。
逢星期五把工作拿回家HOME OFFICE。
每年的大假蝕畀公司。
勤力仔女痛恨公司存在阿慘這類懶霸。
其實內心深處很羨慕阿慘。
他們連請假去旅行都會萌生罪惡感。
詐病請病假？！他們單是聽到「病假」就毛管棟。
「邊行得開吖，做唔晒嘢公司點算？」
點算？這好像是老闆才需要顧慮的問題吧？
你屬於上述的哪種人？
阿慘還是勤力仔女？
人愈大，就會愈多顧慮，還狂妄得替別人諗點算。
老闆有你是他的福氣，替他慳返筆錢唔使請多個人。
不過，這筆錢不會加在你的薪水上。
因為你做得未夠好，有時會有甩漏，
「咁多嘢做！點跟得咁多啊？」
Sorry，老闆不會幫你著想。
在你眼中，
攰就唔返學，唔想返工便射波是個廢青。
而在廢青眼中，
你只是個連裸辭也不敢的廢中。
ig：BlueGodZi
