今日同女朋友食麥記早餐時，有件事真係完全傷透我的心…
話說，當我滿心歡迎將牛油搽落塊熱香餅上面時，女朋友拍一拍我隻手。
「唔准搽咁多！最多半粒！」
「吓？多牛油先好食喎。」
「牛油好高卡路里㗎！你估你自己好後生啊？」
「……」實在太震驚，我聽到呢句時手上嘅叉即時掉落。
「妳、妳嫌我老…？」
「我嫌你唔鍚自己身體啊！係咪想我守寡啊？」
以前，我食親雞都畀女朋友勒令唔准食雞皮，飲咖啡唔准落糖，食杯麵唔准飲湯…
但係，女朋友阻止我嘅說話就由「呢啲會積聚㗎！老咗你就知！」變成「你估你自己好後生啊？！」我已經大概幻想到，當我老到牙都甩晒，仲固執一日一杯咖啡時，佢一定會講…
「你應承唔准早死過我㗎！」
係…因為女朋友話接受唔到得返佢自己一個人。
邊個夜晚陪佢去廁所？邊個陪佢食雪糕（佢確信自己老咗一定會繼續食雪糕）？邊個陪佢玩自創白痴遊戲？
「喂…咁妳早死，我點算啊？」
「你咁鍾意打機，咪打機囉，無人阻你打機喇。」
「咁老仲點打啊，實打到心臟病發啦。」
「咪好囉，早啲落黎陪我～」
然後，話題就會轉移到我臨死之前，破產都要燒多啲衫畀佢、燒幾本我寫嘅書、燒間大屋、燒幾個工人…做足晒所有任務，我先可以死落去陪佢！
「你應承唔准早死過我㗎！」
係…因為女朋友話接受唔到得返佢自己一個人。
邊個夜晚陪佢去廁所？邊個陪佢食雪糕（佢確信自己老咗一定會繼續食雪糕）？邊個陪佢玩自創白痴遊戲？
「喂…咁妳早死，我點算啊？」
「你咁鍾意打機，咪打機囉，無人阻你打機喇。」
「咁老仲點打啊，實打到心臟病發啦。」
「咪好囉，早啲落黎陪我～」
然後，話題就會轉移到我臨死之前，破產都要燒多啲衫畀佢、燒幾本我寫嘅書、燒間大屋、燒幾個工人…做足晒所有任務，我先可以死落去陪佢！
女人係一種好怕寂寞嘅生物。
佢愛你，所以關心你。
除咗關心日常所有事，仲會關心埋你嘅健康。
就連死咗之後都要關心埋一份。
點解？因為佢怕身邊會無咗你。
佢更怕死咗之後我會趁機搵過另一個女人。
我諗就連你阿媽，
都唔會覺得當你八十幾歲一個無牙嘅皺紋佬，
仲有魅力搵另一個女人…
－－－－－－－－
ig：BlueGodZi
佢愛你，所以關心你。
除咗關心日常所有事，仲會關心埋你嘅健康。
就連死咗之後都要關心埋一份。
點解？因為佢怕身邊會無咗你。
佢更怕死咗之後我會趁機搵過另一個女人。
我諗就連你阿媽，
都唔會覺得當你八十幾歲一個無牙嘅皺紋佬，
仲有魅力搵另一個女人…
－－－－－－－－
ig：BlueGodZi
