我識得好多朋友都唔食得辣，同佢哋食飯，一餐半餐都會就佢哋。因為我明白夾硬食辣嘅痛苦，辣到眼淚鼻涕狂噴不特止，食完又胃痛，隔日去廁所仲會火灼菊花。
我亦理解要愛辣之人唔食辣，就好似個世界就好似變咗灰色咁，慘過中毒癮。火鍋、雞煲叫清湯，去譚仔食清湯…就等同出家做和尚無分別。
點解我兩種人都明白？因為我以前係唔食得辣嘅人黎。但衰就衰在我又鍾意食辣，特別鍾意麻辣，麻到我半塊面無晒知覺真係幾爽。
但真正令我強化到變成無辣不歡，係我女朋友。起初我已經覺得佢係無味覺，譚仔食中辣都話無味，死都要叫大辣先開心。
經過長年累月訓練，正所謂鐵柱磨成針，菊花都煉成鋼。
我而家竟然變到同佢一樣…回想返幾年前，我要叫一個清湯一碗大辣，我溝佢少少辣湯就夠晒味。當然兩個人相處需要互相遷就，好多習慣都要磨合。但性格可以變，壞習慣可以改，興趣都可以重新培養，飲食方面真係好難遷就，伴侶仲有可能對一世。
老老實實，一個好鍾意食辣嘅人，忍唔忍到成世唔食辣呢？又或者其中一個鍾意食蒜頭，另一個聞到就嘔。唔係話唔可以遷就對方，但去到韓國旅行，好多嘢食都係大大碟兩個人分黎食…餐餐打邊爐都叫鴛鴦渺底就無癮啦。
所以，遇到一個同樣食辣嘅伴侶真係好重要。
兩人食同樣嘅味道，我話唔夠辣，佢認同。
我而家竟然變到同佢一樣…回想返幾年前，我要叫一個清湯一碗大辣，我溝佢少少辣湯就夠晒味。當然兩個人相處需要互相遷就，好多習慣都要磨合。但性格可以變，壞習慣可以改，興趣都可以重新培養，飲食方面真係好難遷就，伴侶仲有可能對一世。
老老實實，一個好鍾意食辣嘅人，忍唔忍到成世唔食辣呢？又或者其中一個鍾意食蒜頭，另一個聞到就嘔。唔係話唔可以遷就對方，但去到韓國旅行，好多嘢食都係大大碟兩個人分黎食…餐餐打邊爐都叫鴛鴦渺底就無癮啦。
所以，遇到一個同樣食辣嘅伴侶真係好重要。
兩人食同樣嘅味道，我話唔夠辣，佢認同。
佢話大辣先夠味，我又理解。
食完餐雞煲成枱都係包住鼻涕嘅廁紙。
個感覺都幾幸福～
（我同小豆都好鍾意食呢間韓國叫「安東乜乜」嘅燉雞。因為明洞有一間，去完兌錢第一餐就會去食。夠辣味又夠份量…小豆係食骨嘅弱智，所以揀食無骨雞肉。叫1~2人份食到肚都脹埋。相比起香港嗰間食過一次，1~2人份等如1人份…）
－－－－－－－－－－－
Ig：BlueGodZi
專頁：http://www.facebook.com/BlueGodzi
食完餐雞煲成枱都係包住鼻涕嘅廁紙。
個感覺都幾幸福～
（我同小豆都好鍾意食呢間韓國叫「安東乜乜」嘅燉雞。因為明洞有一間，去完兌錢第一餐就會去食。夠辣味又夠份量…小豆係食骨嘅弱智，所以揀食無骨雞肉。叫1~2人份食到肚都脹埋。相比起香港嗰間食過一次，1~2人份等如1人份…）
－－－－－－－－－－－
Ig：BlueGodZi
專頁：http://www.facebook.com/BlueGodzi
