每次去到葵涌廣場，女朋友小豆都一定會去夾糖。
由識佢之後第一次去葵涌廣場，直到而家都無變過。呢個商場真係全香港最多又平又正嘢食嘅地方。
尤其地鐵站巴士總站嗰邊有間蚊型魚蛋燒賣好鬼傲嬌，星期日同大部分公眾假期都唔開…但若果見到佢開，都一定會去食。
佢個辣汁簡直係驚天地泣鬼神！連食燒賣我都會走豉油要辣汁。食到飽飽之後就竄返落地下嗰層夾糖，唔記得邊個同我講過，開喺轉角位嗰間先係賣外國糖，因為佢聲稱自己見過另一間補貨時係大陸糖黎。
起初我以為每個女仔都會夾到成包七彩咁每款幾粒。佢問我想食乜，我咪話隨便囉我隻隻都食嘅。
佢「哦！」咗一聲就衝入人群度夾…
結果幾分鐘後行返出黎，成包都係可樂糖…
「妳做乜唔夾其他？」
「我淨係鍾意食可樂糖。」
「咁妳幫我夾啲蛋，同埋奶頭糖…」
「你又話隨便我夾！」
「我點知妳淨係夾一種啫！」
「邊款係奶頭糖啊麻鬼煩？」
「呢隻啊！」我指畀佢睇。
「呢隻係磨菇啊！」
我其實唔太鍾意食表層有糖粉，所以先會食蛋同奶頭，但由於女朋友成包都係可樂糖，寡不敵眾情況下，我啲蛋沾滿晒糖粉…
不過仔細一望，原來佢唔止夾一種可樂糖，仲會夾埋蟲形、奶嘴形。
「點解要夾三種一樣味嘅可樂糖？」
「唔一樣㗎！」
「有咩分別啊除咗外形，妳食落肚咪又係一樣！」
「蟲蟲硬啲！可樂罐無咁硬！奶嘴因為得意～」
「邊款係奶頭糖啊麻鬼煩？」
「呢隻啊！」我指畀佢睇。
「呢隻係磨菇啊！」
我其實唔太鍾意食表層有糖粉，所以先會食蛋同奶頭，但由於女朋友成包都係可樂糖，寡不敵眾情況下，我啲蛋沾滿晒糖粉…
不過仔細一望，原來佢唔止夾一種可樂糖，仲會夾埋蟲形、奶嘴形。
「點解要夾三種一樣味嘅可樂糖？」
「唔一樣㗎！」
「有咩分別啊除咗外形，妳食落肚咪又係一樣！」
「蟲蟲硬啲！可樂罐無咁硬！奶嘴因為得意～」
「痴線！」我拎一粒黎試…吖～蟲形又真係硬啲喎衰鬼。
結果，小豆一直到而家都鍾情於可樂糖，而我除咗鍾意食蛋同奶頭，仲畀佢搞到鍾意食埋可樂糖添。有次同公司同事去夾糖，我仲懶叻咁樣話「知唔知蟲形、奶嘴形、同可樂罐形有咩分別？」
我解釋完畀佢哋聽，佢哋話我發神經…
嘖！你哋呢班愚昧無知嘅地球人！
女朋友又係嘅，好心佢啦…幾十歲人學乜鬼嘢人夾糖。
搞到我都鍾意食埋一份！
－－－－－－－－－－－
最新出版：《無病你呻乜嘢吟》
Ig：BlueGodZi
專頁：http://www.facebook.com/BlueGodzi
結果，小豆一直到而家都鍾情於可樂糖，而我除咗鍾意食蛋同奶頭，仲畀佢搞到鍾意食埋可樂糖添。有次同公司同事去夾糖，我仲懶叻咁樣話「知唔知蟲形、奶嘴形、同可樂罐形有咩分別？」
我解釋完畀佢哋聽，佢哋話我發神經…
嘖！你哋呢班愚昧無知嘅地球人！
女朋友又係嘅，好心佢啦…幾十歲人學乜鬼嘢人夾糖。
搞到我都鍾意食埋一份！
－－－－－－－－－－－
最新出版：《無病你呻乜嘢吟》
Ig：BlueGodZi
專頁：http://www.facebook.com/BlueGodzi
