「喂 阿全 又到情人節啦wo 你今年又同邊條女過啊?」企系我對面飲緊咖啡既阿強問我
隔離既阿瑤用手臂撞左撞我 比左個 「你夠膽偷食 我就閹左你」既眼神
我無奈甘笑一笑「咪玩啦 硬系同阿瑤過啦」我斜望身邊既人 露出一個溫柔既微笑
阿瑤 一個愛笑既女生 而我就系一個比較內向既男仔
佢同我拍左拖都有一年半 感情都算平穩
平時都系佢主動約我 撩我比反應佢 佢仲好識諗 乜都幫我準備好
佢人都好好 唔港女唔公主病 系一個好好既女仔
初初識佢個陣 系工作上面識
第一次見面已經有一種講唔出既感覺 可能就系俗語講既一見鐘情
我記得追佢個陣 我日日早翻工 買左份早餐擺系佢檯面
佢OT 我就算冇野做都hea到夜晚 陪佢一齊走
兩個人冇咩特別既經歷 都系你就下我 我就下你
反正平時系公司都日見夜見 自然一日三餐都一齊食 一齊返工 一齊走
甘既愛情 最容易有咩?就系2隻字 沉悶
就系今年情人節前一日既夜晚 我仲系度諗緊 應該比D咩特別驚喜佢個陣
仲特登買D花 (賣花個阿姨話 點都頂到1,2日 所以早左買)禮物 希望比個刻骨難忘既日子比佢
阿瑤話有D野想同我傾 約左我出黎
佢話不如分開下 佢想有新既生活 唔想過呢D甘悶既生活
「呢年半 我自問我比曬我既愛你 我....」
「我....我唔系嫌棄你D咩 系我受夠啦 我覺得同你一齊好悶好辛苦」
「分手啦」講完呢句 佢就頭也不回走左
我冇挽留
一系我唔敢 二系我反應唔切 三系同我一齊我比到D咩佢 我有咩資格留住佢
就系情人節個日 一個原本有女既我 都加入左單身既隊伍
我一覺瞓天光 瞓到12點幾1點先醒 好似琴日發生既野 系假既 如夢初醒
望住準備好既花 禮物 不禁嘆左口氣 我攞起束花同禮物 落左樓 行系街度
見到一對又一對既情侶大放閃光 我不禁握實手中既禮物
失戀既我 只可以扮有女? 扮攞住D花去搵女朋友?
不經不覺 我行行下 已經5點幾6點居然行左翻屋企 (上年同朋友合租左個單位 搬左出去住)
我上樓 插入鎖匙 一開門 就聞到熟悉既味道
「咦 阿仔你翻黎啊? 仲諗住今日情人節你一定出街添 你翻黎食 早D打電話黎 煮埋你個份啊嘛」
我鞋都未除 媽子已經狂講野 一輪嘴甘講
但唔知點解 我唔覺得煩 反而好窩心
我遞左束花 比媽子講左句「情人節快樂」
媽子放低D野 接過束花 露出微笑 系佢既臉上 見到皺紋 仲有DD白頭髮
心入面突然有一句「我阿媽佢老啦 陪下佢」
望住我身前既女人 一個由細照顧到我大既人 由我細細個開始 已經日夜無間甘照顧我
細個擔心我讀書 大個擔心我工作 「養兒一百歲 長憂九十九」
嫁左比我老豆之後有左我 將自己既青春用左黎養我
我忍唔到淚腺 流下馬尿 「多謝你....」吞吞吐吐講出呢句
媽子好似理解到D咩甘 微笑甘摸左摸我個頭 講左句「傻仔黎 萬大事有我系度」
跟著等埋老豆放工 我地食左餐豐盛既晚餐
呢一日 我過得好開心 亦好耐冇試過甘享受同屋企人既時光
人生有好多野值得珍惜 友情 愛情 仲有大多數人遺忘既親情
唔好日日自怨自艾啦 聖誕嘆單身 新年嘆單身 情人節嘆單身
仲想嘆到幾時??
得閒陪下屋企人啦: )
