我叫Tony，係一個啃老嘅廢青，生活中其實好似咩都唔缺，就係缺愛，一年前因為同拍拖七年嘅女朋友散左加上自己已經廿七加一，身邊啲朋友，結婚嘅結婚，生仔嘅生仔，我依然，女都無條，我老死阿Jack見我成日跳森巴舞，所以就建議我玩Heymandi, 而我亦都為咗快啲上到岸，身邊又多個人可以幫手打點下，加上受咗各方好友重重喜事嘅打擊之下，決定試吓玩吓呢個「神器」⋯⋯
雖然小弟以前個女朋友都係搖一搖，搖返黎，原本，我真係打算搵個好女仔拍長拖，但結果，個app 徹底改變咗我，因為我真係未試過識女仔識得咁方便，一次都八個機會可以仼君選擇，乜人都有，仲有十秒冷靜期，唔啱傾仲可以即閃，對於我地呢啲心急嘅小朋友，最緊要係咩，最緊要係快，唔止要快，仲要免費，完全由自己操控生殺大權，加上，條廿幾字嘅諗法，可以好似精神分裂咁隨時改，呢個或者就係佢引人入勝嘅地方⋯⋯呢個app上面嘅眾生都好平等，一句說話分分鐘就會你嘅一生，因為無得外協，我人生第一次覺得上帝閂咗我溝女個度門，都開咗個排洪嘅窗口比我，起初覺得幾得意，點知玩咗幾日，我就己經沉咗⋯⋯
開頭，我真係試過因為寂寞而沉過兩次，後來人來人往輪盤轉得太快，我開始麻木啦，或者好多人都會好奇。點解你條友咁易沉，到底係咩構造？點解會咁易沉，或者真係因為我喺現寶世界過得好唔如意，企圖逃避現實，或者至少可以搵個人圍個爐，令自己個心好過少少。
不過，呢個app實在見到太多人性嘅弱點，作為一個比阿源更柒嘅毒丁，比人帽咗兩次之後，查實對所謂嘅愛情已經無任何期望，不過作為一個男人，尤其是曾經有一個自稱基督徒嘅ex，而出家多年和尚黎講，即使對愛情無期望，果種原始嘅慾望同需要都係需要解決嘅，最後，經過一年嘅浸淫，我上app 嘅目標慢慢由為自己謀幸福，變成為細佬謀幸福，而每次喺 Heymandi識一個人，都會令我變成一個更壞嘅人。
呢個勁過我碌嘢嘅神器，呢個幫毒丁足不出户都可以面向世界嘅神app，一個個令好仔變壞人嘅女人，你又點可以錯過呢，你準備好同我一齊經歷佢嘅奇妙未呢？準備好就一齊起行啦。
