余駿軒看著梁景耀三字毫無頭緒。為何他自動出現在聯絡人名單上？

余駿軒帶著疑惑回覆：「點解你叫我唔好信阿風？」

梁景耀：「今朝係佢想整死你。」

余駿軒：「你up乜9？無端端佢做乜要做我。『今朝』你指緊咩事？」

梁景耀：「佢同人做咗交易，要殺你。今朝我唔係現場，但係我救咗你。」

余駿軒：「大佬，你究竟講緊咩？其實阿風又冇做D咩，你唔使咁樣勸我。」

梁景耀：「今朝發生嘅事唔係夢嚟㗎。」

余駿軒：「k，我當你講嘅嘢係真。不過你講咗你係邊個先。我應該唔識你。」

梁景耀：「天使。」

余駿軒：「明白哂。一定係上帝派你落嚟打救我呢個罪人。」

梁景耀：「你真係信我？太好啦。但係我唔係神派落嚟⋯」

人已Block。

余駿軒毅然決定回家午睡。絕對是學業壓力太大、生活作息不定時和不健康飲食引致腦內顳葉小血管阻塞，壓迫到記憶區。然後導致幻覺跟被害妄想症出現：比車撞、跟不存在的人WhatsApp、懷疑朋友想殺自己、見到個肚有疤等⋯余駿軒有點偏頭痛。他到達荃灣後，就快步走回家。他放鬆地倒在床的懷抱裏，沉沉睡去。