葉紀風：「你想由邊度講起？巴別塔、今朝地鐵站嗰單嘢。」
余駿軒：「剩係得呢兩單？」
葉紀風：「唔係，仲有一抽⋯但係都夜啦，聽日先算。」
余駿軒：「地鐵站先。」
葉紀風有點遲疑，他說：「今朝你行去地鐵站跳軌係我用技能控制好。但係⋯中途我後悔，即刻解除技能。唔知點解停極都停唔到你跳軌⋯之後，我就定位唔到你。我本身以為你已經死咗⋯」
余駿軒：「所以今朝發生係真嘅？」
葉紀風：「係。宜家見到你冇事，我估你比其他巴別塔的玩家救走了。」
余駿軒：「咁你同邊個做咗交易要殺我？為咩？」
葉紀風：「我唔可以同你講。但係我發誓我會解決咗件事，之後都會保護你。如果唔係，我爛春袋！」
余駿軒：「⋯我信你，但係唔可以一齊解決咩？」
葉紀風：「我唔想拉埋你落水。」
余駿軒：「安全嗎？」
葉紀風：「係要付啲代價姐，我搞得掂。」
手機鈴聲響起，是Vanessa的來電。
葉紀風面色凝重地説：「我戀情告急，聽日再同你傾。」
余駿軒：「點解你有電話？」
葉紀風快速地説：「你攤大手板，然後默念電話。離開呢度，就幻想藍色火焰。」轉眼間，葉紀風全身散發青焰，消失殆盡。
余駿軒淡定地吃着羊肉串，欣賞着這裏的夜空。極美的星空，沒有一朵浮雲擺動。深藍的空中，滿綴著鑽石般的繁星。一道道流星從天空垂直下墜，劃破了黑夜。場面非常震撼，但這裏的人好像見怪不怪。余駿軒突然想起⋯葉紀風沒有付錢。今次67啦。
余駿軒雙手握緊盛載羊肉串的盤子，心中默想藍色火焰。漸漸他全身冒起青焰，侍應高呼：「比錢啊！」
他臉帶微笑，向侍應説：「下次呀。」
