事情好簡單，好突然。
今晚沖涼果陣，我摸到自己臀部有條尾巴狀嘅物體，
一開始，我仲幻想係有咩小動物，鑽咗入我身體。
我老公望完又望：「妳真係生咗條尾喎，長長地，啡色嘅尾，都幾得意。妳尋日唔係讚，隔離屋隻柴犬條尾好可愛架咩？自己都有條尾，咪幾好。」
「你夠叫賣生果個阿嬸做『靚女』啦，你想唔想娶佢做老婆？」我翻白眼，讚人地，唔代表自己真係想要，人就係咁虛偽架嘛。
「好啦好啦，唔笑你。」老公好輕描淡寫咁講：「買條鬆身啲嘅褲，裝住條尾囉。」
我嬲到成個彈起：「我依加生咗條尾，唔係生咗條毛，係買條褲可以解決嘅問題？你根本都唔關心我、唔愛我......」
喺我嘅魔音轟炸之下，老公當然帶我去醫院。
但去到醫院門口，我突然好驚。
諗真啲，俾人地發現我有條尾，會唔會捉我去做實驗？
就算唔做實驗，件事揚咗，同事、朋友會點睇我？會唔會覺得我係怪物？
我唔敢去醫院，搵咗個相熟嘅醫生朋友，偷偷地俾佢睇。
「我唔確定點處理，但妳條尾裡面有血管、神經線，基本上已經係妳肢體嘅一部份，唔可以就咁斬咗佢，一係我幫妳轉介......」
講到呢度，個醫生突然停咗，
我估到佢諗乜，我都唔知我應該轉介去咩科，人類又無尾巴科。
醫生諗咗好耐，先講：「一係我幫你轉介個獸醫，係我好朋友黎，信得過。」
我唔敢去醫院，搵咗個相熟嘅醫生朋友，偷偷地俾佢睇。
「我唔確定點處理，但妳條尾裡面有血管、神經線，基本上已經係妳肢體嘅一部份，唔可以就咁斬咗佢，一係我幫妳轉介......」
講到呢度，個醫生突然停咗，
我估到佢諗乜，我都唔知我應該轉介去咩科，人類又無尾巴科。
醫生諗咗好耐，先講：「一係我幫你轉介個獸醫，係我好朋友黎，信得過。」
結果，我就去咗睇獸醫。
去到獸醫診所，見到個個都攬住貓貓狗狗，而我......就俾老公攬住，真係勁尷尬。
好彩有果封轉介信，否則獸醫應該唔會見我。
「呢個情況......都可以手術切除嘅，不過妳條尾好健康好正常，點解要切？」獸醫好認真咁望住我。
好正常？一個正常人有尾巴，就根本唔正常了吧。
我答得果斷：「總之我要切。」
好正常？一個正常人有尾巴，就根本唔正常了吧。
我答得果斷：「總之我要切。」
但當獸醫解釋手術流程，又要麻醉、個傷口又會有幾大、有咩風險、要休養幾耐，我就開始猶豫。
我打針都會喊，依加無啦啦捱一刀，仲有風險，聽到都唔開心。
而且我仲有另一個顧慮：「切咗條尾之後，會唔會生番出黎？」
「理論上唔會......」跟住獸醫又改口：「不過理論上，妳都唔應該突然生條尾出黎。」
咁即係有可能啦，如果我千辛萬苦切咗條尾，
過幾個月先發現，原來我同蜥蝪一樣，有斷尾再生嘅功能，成件事咪好傻？
