香港呢個地方太多有料嘅創作人，提供咗無限個免費新式又有創意嘅娛樂比人，我呢啲以長篇連載故事為目標嘅人，睇嚟都係註定行錯路，不過真係好感激有人鍾意我嘅故事！
我都知大家睇我錯字都睇得好辛苦，到我做修訂嘅時候真係嚇親自己！真心講聲對唔住，能夠忍到我宜家，真係多得你哋嘅善心！我會為自己嘅作品繼續修訂，將佢做到最好，繼續努力去搵出版社收容作品。
但大家（尤其是寫作人）好清楚香港嘅出版社要求。我只能夠話我始終都係我，好難去做其他嘢去谷人氣，例如寫文章、評論我真係寫唔掂，亦唔係咩KOL嘅材料。最多只可以唔要臉唔要「樽鹽」咁介紹我嘅故事比大家認識，之後睇完覺得無興趣、唔鍾意、睇我唔順眼都好啦，已經唔關我事，我已經幫自己嘅作品同讀者結咗「緣」，自問都做咗要做嘅嘢，而同讀者有無呢種「份」，我真係控制唔到。
所以嚟緊嘅日子，我會生生性性，專注多啲自己嘅故事，同分享多啲朋友作者嘅故事比大家睇，減少寫作外嘅工作，又會睇返多啲書，希望可以補充我文字不足、文筆唔順的情況啦！
今後也要大家多多指教了！
當然最後也要介紹自己的作品：
奇幻戰鬥長篇連載：《叛神軍團》
青春夢想長篇連載：《音樂漫畫 — Slow Music》
.jpeg)
