喪屍病毒爆發，一發不可收拾，
政府集中各國專家，喺安全區起咗一座研究所，對付喪屍病毒。
終於，喪屍疫苗研發成功，作為一個低級研究員，我覺得與有榮焉。
今日電視台黎拍攝人體測試，將喪屍病毒注射落打咗疫苗嘅人度。
但我發現，主管拎去測試嘅，並唔係喪屍病毒。
再聯想到，呢排政府高官成日同主管密談，我開始懷疑啲疫苗有古怪。
唔通，疫苗唔可以防止喪屍感染？但已經宣佈咗免費注射，點解要呃大家？
民眾紛紛去注射疫苗，我愈諗愈唔妥，但我無資格提取研究所嘅喪屍病毒。
我決定，去喪屍區捉隻喪屍抽血，親自測試。
女友阿貓好支持我，話係拯救人類嘅大事，如果政府有陰謀，我地一定要盡快揭穿。
我揸車，阿貓拎住支麻醉槍，就潛入咗喪屍區。
好不容易遇到落單嘅喪屍，阿貓用麻醉槍打暈佢，落車抽血。
我揸車，阿貓拎住支麻醉槍，就潛入咗喪屍區。
好不容易遇到落單嘅喪屍，阿貓用麻醉槍打暈佢，落車抽血。
呢個時候，草叢入面突然彈出五隻喪屍，一野撞跌阿貓支麻醉槍，
我衝出去支援，但已經太遲，一隻喪屍狠狠咬落阿貓肩頭度。
之前貓媽逼阿貓去打咗疫苗，呢一刻，我無比渴望，隻疫苗真係Work，
可惜，阿貓對眼漸漸泛白，好明顯變緊喪屍。
我忍痛離開，阿貓，我會幫你報仇！
我匿名上網，提出「疫苗根本無用」，開始有人懷疑。
但未等呢個消息傳開去，大家嘅目光已經俾另一件事吸引咗！
政府宣佈，因為喪屍霸佔產糧區，大幅縮減糧食供應。
一時之間，出面每日只得番一餐。
政府宣佈，因為喪屍霸佔產糧區，大幅縮減糧食供應。
一時之間，出面每日只得番一餐。
主管召集晒全個研究所，喜氣洋洋咁宣佈：
「大家可能聽講過，隻疫苗唔可以抗喪屍病毒。
其實，係我地聯合米芝蓮星級大廚，研發出黎嘅『好好味病毒』，混合喪屍病毒，會令喪屍進化成『好好味喪屍』。
本來喪屍肉唔食得，依加已經變成美味佳餚！」
我不寒而慄，之前呼籲大家打疫苗，係將人當成誘餌，令啲喪屍變好食？
主管繼續講：「趁糧食供應縮減，下一步，我地就要宣揚食喪屍嘅好處......」
