唔洗做啲咩就有錢賺，有邊個唔想？

特別係我呢啲只係想寫故嘅人，恨不得可以唔洗憂比機會自己專心寫故。

所以第一眼見到嘅時候，我唔係諗「騙徒嘅手法係層出不窮」，

而係諗「有冇人脈比我出賣先？」

我唔知有幾多人已經覺得「呃人唔係問題，走唔走得切先得架？」

呢個玩法嘅真偽往往都唔係最重要，

只要你吹得夠大，行頭夠、資料豐富、超有heart、「爹親娘親都不及Saivian親」，

你無話撈唔掂。(講到呢到自己都想試試)

反正去到中途，你都可以突然良心發現後中途離場(因為搵夠、或者勢色唔對)... ...

其實同炒股票一樣... ...你入股咪一齊賺囉，之後幾時爆煲、比人公審、法律責任等等，

就係講緊一啲未走得甩嘅人點去兜返件事。

賺咗想縮沙嘅人唔一定係最頂個批(做人要知足，同埋最緊要知道幾時要退)，

貪得無厭嘅人就會死追唔放(美國都未出事，驚咩？)，但知道就大遲，

反正又可以扮返個受害者，但係錢就袋袋平安，無責任係身。

不過...後都係唔好搞啲咁嘅嘢，雖然我對呢個世界無咩好感，做騙徙都唔係大問題，

呢個世界有幾多人會同你講感情？拍拖都係為上床架啦，何況做生意？

但嘅然啲風都吹咗半年，大家都好似覺得未有起色(而係大部份人眼中，其實咁先係機會)，

其實而家先嚟入就已經中哂伏，同玩緊嘅人講，就死都同你駁(因為你唱衰緊佢發達大計)，

都係同股市一樣，你見佢起勢咁升，咁你重諗住入市？遲唔遲啲呀？