十二個鐘頭飛機，中午十二點落機，返到十二年一別既地方—香港，我發覺我同十二呢個數字幾有緣份！
機場無我想像中多人！
因為對香港既吾熟悉，我選擇咗搭的士入市區。
司機問：「哥仔去邊？」
我：「上環宜必思酒店呀，吾該司機。」
司機：「敢多行李，去邊到玩黎？」
我：「無呀，我移民去咗英國好耐，趁無咩忙，返黎香港行下。」
司機：「你D廣東語都幾好喎，我之前接過一個ABC,成個香港人敢款，一句廣東話都吾識，你話死吾死呀，就好似去食個叉包敢，入邊夠叉燒比人換咗個司華力腸，你話呀，點𠼰呀！」
我：「我細個係香港讀到小學尾先過去，可能打好咗個基礎。」
司機：「係英國好好地返黎香港做做乜？香港而家七國敢亂，比我揀，我都想移民。」
我：「係？英國都吾係敢好，嗰到成日落雨，好多流浪漢同小偷，同埋英國人食既嘢都幾難食。每個地方都有佢既好同壞既！」
司機大哥同印象中既香港司機一樣健談，我地傾咗十幾分鐘，司機大哥講下香港呢幾年既政治變化，爭普選、港獨、佔中、人大釋法，樓價高等政治民生問題。
係英國個陣，睇BBC News 比較深刻既香港新聞係指有個警察對天開槍，嚇退示威者，詳情無太大印象。
見之後無咩話題，我戴上耳機，聽返Lincoln Brewster 既Oxygen。
到上環，充滿一陣濃濁空氣，返到童年舊地，我對呢度無陌生既感覺，但係都無好熟悉既感覺，究竟思鄉係一種情緒定係性格？如果係性格既話，我可能吾屬於呢種性格！
到咗Ibis ， Check in 放低行李，上床訓覺，調返好個時差。
訓到第二日中午十二點，攞咗銀包相機之後搭的士去婆婆屋企。
到咗婆婆屋企，可能因為事先同婆婆佢聯絡，所以叫咗好多親戚。
同D親戚聚下舊，講下D英國生活同埋風土人情，用相機比D英國風景佢睇下。
吾知係咪我將英國介紹太美好佢地又話佢地想送個仔女去英國讀U或者college，認真同親戚傾計真係好難交心。
可能從事藝術工作，慢慢變得吾係好識點同人溝通.....特別係曾經好熟既人，吾知佢地點諗，自己係到諗緊佢地係咪覺得仲係以前好熟絡既關係，定係已經陌生咗，從而吾知到講咩好。
因為婆婆年紀比較大，行動吾係甘不便，我坐係床邊同婆婆傾計。
婆婆：「真係好耐無見啦楷仔，有無十幾年啦？成個人成熟好多，敢多年黎係外地過得幾好嗎？」
我：「都有十二年，我過得幾好，有心！」
婆婆：「今次返到黎，留耐D，見你瘦到皮包骨敢，得閒上黎，等我煮D好嘢比你食。」
我：「好，都要睇下之後工作安排，一得閒我會上黎。無買到D特別手信比你，剩係買咗D英國紅茶伯爵茶、英式茶杯同埋一條我係蘇格蘭買既羊毛頸巾，希望你鍾意。」
婆婆：「乜咁破費啊！」
我：「吾破費。」
婆婆:「楷仔，我可吾可以問你一個問題？」
我：「可以呀，隨便問。」
婆婆：「你十年吾返香港係咪因為你媽媽？」
我無出聲，苦笑咗一下
婆婆搭我膊頭，對住我講：「吾想答就吾好答，婆婆明既。」
我地傾吾夠十句，對話既內容聽落好感觸，但係其實我個心情大致上都好平靜。同婆婆傾計嗰陣，佢望住我既眼神，話比我聽佢已經了解矖我呢十年既情況。
婆婆原本叫我留低同D親戚一齊去酒樓食飯，但係我拒絕咗，我同婆婆講我吾慣太多人，婆婆見我面有難色，所以都無強迫我。
婆婆住係太平山街既唐樓，離開婆婆屋企之後，我一人一機，一邊用眼睛細味上環，一邊用相機收藏上環。
太平山街、東街、西街等等好多既唐樓地鋪都變成藝術性工作室、畫廊或者寫字樓，雖然藝術成份好高，而且當中都有吾少高欣賞性藝術作品，但係呢類藝術，我係倫敦見太多，對我呢講一間六七十年代車仔麵檔口擁有既藝術成份可能仲高。
沿途一邊行，一邊影，由卜公花園開始行，紅磚屋（基督教青年會），表弟讀既小學（英皇書院同學會小學），樓梯街，文武廟，摩羅上街，電車路，西港城........諗住一路行返去酒店
行到西港城，向左行，見到有間幾懷舊既咖啡室-海安咖啡室，因為行到幾攰所以入去坐下，飲杯嘢。
推開玻璃門，坐底係一張紅色既卡位座，望住天花板上面既三葉吊風扇，又望下牆上面D上環舊照，當係到陶醉緊D藝術品既時候，「哥仔食D咩？」一個菇菇地頭，眼大大，睇落比我細既女仔笑笑口敢問我，感覺有D怪。
我急急腳望住枱面然後講：「Er......」
女仔keep住笑笑口：「不如試下我地既西多，幾脆口，然後飲杯奶茶，包你正到漏。」
我好快敢望一望餐牌，又望一望佢：「Er......吾好意思，我想問下可以將火腿煎雙蛋個雙蛋改做太陽蛋？如果吾得就由佢啦，同埋飲熱咖啡吾該。」
女仔仲係笑笑口：「好，我幫你問下。」
當個女仔放低我張單，轉身諗住去其他枱落單既時候，我叫住咗佢
我：「阿小姐，吾好意思！」
女仔：「係，仲有咩可以幫到你。」
我：「請問我可吾可以影你地間舖頭？因為實在好懷舊！」
女仔笑笑口：「無問題呀，影得伶D喎！」
我笑住口：「無問題」
......點解我會笑住口答既，可能比佢傳染埋一份。
等咗一陣，我叫咗既火腿煎太陽蛋到咗，我拎起相機，幫嗰個蛋黃影個特寫，撳咗去相片集，諗住睇下影成點，順便睇返之前係 stonehenge summer solstice festival 影既日出日落，一張張，趁得閒品評下自己既
作品。
「嗰個夕陽影得好伶，邊到黎架。」，嗰個女仔突然係我後面對住我講。可能因為我嗰個卡位後面就係收銀，所以佢望到我部相機。
我未反應得切，諗住答佢個陣，佢又笑住口：「吾好意思，突然偷睇你既作品又突然打攪你，不過真係好伶。」
我好快答返佢：「吾會，吾會，多謝都黎吾切啦！ 」
女仔笑笑囗：「敢我可吾可以睇下？」
我：「可以呀。」
女仔坐咗係我對面，我遞咗部相機過去比佢。
女仔：「點解可以敢靚！同埋相入面嗰個地方邊到黎？」
我：「相入面嗰到係英國既巨石陣，不過一年得一兩日可以行近佢，個日會開通宵，成班人一齊唱歌跳舞睇日出，如果有機會去英國，一定要睇下。」
女仔：「哦，巨石陣，不過我無敢既機會。香港既日出日落都吾差架，個D我有大把機會，不過就算幾伶都好，剩係得少數既人會去發掘同欣賞。」
我：「香港邊到有咩好地方睇日出日落，，可吾可以講下個地點同行程黎聽下？」
女仔拓住右邊面：「吾好意思，我覺得如果吾係親身去發現，個種滿足感會好吾同。」
我：「我都明白你講個種感受，嗰種滿足感比起跟住人地個行程真係好吾同！」，雖然我係敢同佢講，不過作為一個攝影師，聽到有靚景而吾知道係邊，點都有少少失望。
女仔用個食指，指一指我：「係呢！」
個女仔指完我之後，又握住個下巴：「唔......不如敢，如果我同你再有機會撞到，而你到時你仲對D景點有興趣，我再話你知！」
我估吾到佢會敢講，可能佢見到我無意間透露既失望表情。
我：「實有機會既！」
䣓離枱：「寫嘢呀，吾該。」
女仔笑笑囗望住我，企咗起身，行去䣓離枱。
吾知點解我會拎起相機影低佢轉身個背影，係因為驚之後撞吾番佢而留念？應該吾會呱......
食完之後，推開門囗，行出去，望返轉頭，佢仲係笑笑囗敢對住其他人。我仲以為自己係特別D，原來自作多情，無意之間傻笑咗一下。
我傻笑諗緊嘢個陣，個女仔見到我望住佢，佢對我笑笑囗點咗一下頭。
我醒起我未問佢叫咩名，我握住個門柄，諗住入去問佢叫咩名。
突然我心裏面諗：「算啦，下次如果真係有機會再撞到先再問佢啦！」，我放開門柄，行返去酒店。
行返去個陣，我思考緊點解我會敢諗，連個名吾夠膽去問，可能我既勇氣同上環既懷舊氣息結合咗，令我覺得宜家已經好滿足！
我知道係藉囗，不過至少可以填保我既後悔感......
