親愛嘅俊文 :
就係因為當日我做錯咗，而釀成一個誤會，導致依家我同你嘅決裂..... 諗返起當日相識嘅時候，我同你係同班同學，老師編排咗我哋成為鄰座。當時，我同你互不相識，冇傾過計。過咗一個禮拜之後，我同你開始熟絡，仲發現我哋有一個共同嘅興趣 ------ 打乒乓波。

我哋嘅感情日增之後，有時喺學校假期會相約大家齊食午飯，有時我哋會一齊去公園行下，有時甚至會去對方嘅屋企度玩遊戲機。我哋有緣到喺我第一次睇演唱會嗰陣都見到！

喺長假期嗰陣，我哋會相約有一齊溫習，我哋會一齊做功課，一齊行下商場...有時我畀人玩例如將我個筆袋收埋嗰陣，你一定會幫我出頭。有一次我問你借咗你最心愛嘅書睇，第二日我就唔小心將本書遺留咗係巴士上面。你唔單只冇嬲，仲叫我唔好咁辛苦咁就遍全港九買番啲本已經絕咗版嘅書，仲叫我唔使陪錢。有你呢個好朋友我真係三生有幸！
嗰日係兵乓波隊嘅選拔，我渴望可以入到呢個校隊，你都係隊成員。我選拔失敗之後，我竟然叫你同老師推薦我。到最後，我真係入咗校隊。

有一日，你忽然問我點解要利用你，我完全唔知你喺度講緊啲乜嘢。你話畀我知有一位你好好嘅朋友同你講我同你咁親近係因為我要可用你嚟成功入乒乓波隊。無論我點樣解釋，你都依然都係唔信我。因為嗰個同學好唔鍾意我，所以用盡所有嘅方法來令到我同你絕交。我知道而家無論我點樣講都好，你都冇可能再同我成為好朋友同埋原諒我㗎嘞。

直到今日，我知道其實之前同你係好朋友，同你曾經有一段好歡樂嘅時光，已經好幸運同足夠啦！