在尖沙咀的文化中心外,一隊不知名的樂隊在唱著「突然好想你--五月天」。

呀威與另外兩個好友就坐在梯級上一邊抽煙一邊聽著。

其中,開啟了「及女眼」的細榮說:「喂,有個女仔一個人走左埋去聽喎。」

帶著冷帽有點gay的呀賢回答:「上馬啦威,佢一定係岩岩失戀,而家心入面一定好空虛,好寂寞,好凍」

呀威被呀賢肩撞了一下,懸掛著的煙灰掉在地上。

呀威回神一看,故作好奇問:「邊度有女仔空虛?」

就在呀威看著那女孩的時候,剛好那女孩望向這邊。

就這樣他們疑似對望了幾秒。

細榮:「計我話,佢應該係等緊佢男朋友,而佢男朋友遲左好耐,而家諗緊一陣就講分手。」

呀威:「唔係,佢應該係中意左個主唱,你睇佢望住主唱個樣幾咁霖,佢兩個識架!」

呀賢帶半點質疑的說:「真唔真呀?你過去問下佢丫喂!」

呀威:「你過去唔好?」

呀賢:「拿,包剪揼,一鋪過,輸左既過去問。」

細榮:「仲細咩?包剪揼。」

在褲袋內拿出一塊錢幣一本正經地說:「拿,擲公字,公就你去,字就傻威去,中間就我去。」

呀賢一手攻向細榮腰間的死穴一邊說:「屌你啦!」

在旁冷笑的呀威拿出一粒骰子。

呀威:「拿,骰仔就最公平喇。」

停下手的呀賢目定口呆的說:「嘩,你邊度搵粒骰仔番黎呀?」

呀威裝模作樣的回答:「作為一個專業既bartender,有粒骰仔係身係好正常既。」

呀威:「拿,一四就我去,二五就細榮,三六就你去。」

「噠~噠~噠~~~」

骰子滾動了幾次後,就停在一點的那一面。

細榮和呀賢似笑非笑的看著呀威。

呀賢一手將呀威推開:「公平呀!」

呀威跌跌撞撞的下了幾級樓梯,看一看手中的骰子,再看一看樓梯上的兩位「兄弟」。

細榮:「係你喇!比卡超!去啦!仲望!?」

呀威慢慢的走下樓梯,一邊不停想著開場白,一邊等待歌詞去到最後。

就在歌曲完結之際,呀威走到那女孩身邊:「你好呀,你點解一個人黎聽歌既?」

女孩微笑回答說:「關你撚事。」

完