咦，點解個Title 有聲既，你點整架？

係啊，又係我啊，又係我拎某個片頭哄你地入黎。

我諗有上開YouTube 睇片既你地，都會聽過呢一句由一個外國人講：「You need a website, why not do it yourself? Just a cli⋯⋯」係啊，通常呢個click 字都未講好，就比我地Skip 左拿，點解啊，因為佢逃避唔到五秒既命運。

其實已經唔記得YouTube 係幾時開始加入廣告呢一part，到而家，甚至分左可skip 同無得skip 既廣告，唔知有邊D廣告係令大家印像深刻呢？

咩話？澳門線上賭場上線啦⋯⋯呢個好明顯唔關YouTube 事，但係你想知多D呢條片既野，可以入呢度：

https://post.shikoto.com/posts/108000-人生總要瘋狂一次-澳门首家线上赌场上线啦

講返正題先，自從有左廣告，大家上YouTube睇片既習慣可能都唔同左，而今日，我地就討論下「在廣告下我是如何睇YouTube」。

亦麻煩紙言如果SHARE 篇文去FACEBOOK時係到就CUT 文。

其實不得不讚YouTube 係廣告上面拿掐得幾好，因為佢唔會同其他睇片網站一樣，剩係識得怒播廣告，佢地只會Random 你睇幾次先會有一兩次有開頭廣告。

我都會成日上YouTube 睇片，好多時候見到呢D廣告，都會同其他人一樣，我諗大既係可以分成以下幾種。

第一種：

  1. 講左句粗口
  2. 將個Mouse 移定去個Skip 制度
  3. 望住倒數
  4. 倒數完畢後即刻Click

呢一種就係最普遍，亦係令人燥底指數最低既一種，好多時甚至無左粗口果part 直接等五秒就Skip，又或者已經入左腦跟住條片一齊講五秒野再入片。呢五秒其實好重要，好多做廣告既都將最入腦果part 放係呢度，除左「You need a website」之外，我諗仲有一個係「Lets suppose that you’re writing a really important email to a colleague⋯⋯」，然後就係將個「Lets」轉做「Let’s」既片頭。

咦，睇住條片打整到我都打鬼錯左個「Lets」字。

佢好明確地將個廣告話比所有人知，個廣告係sell 緊一個幫人執Grammar 既野，但係佢無「You need a website」咁出名既原因，係因為佢係係頭五秒無講或無演示自己Product既名。我要睇完成個廣告，先知原來佢地sell 緊果舊野叫「Grammarly」。

第二種：

  1. 講左句粗口
  2. 將個Mouse 移定去個Skip 制度
  3. 咦，點解無倒數果舊野既
  4. Shit！原來呢次係要睇晒。
  5. 無奈或燥底睇晒20幾秒既廣告。

就係呢種，呢種燥底程度可以算係好高，因為佢迫你睇晒佢啊，我上YouTube 係要睇我想睇既片啊，唔係睇你呢條廣告，就咁樣浪費左我寶貴20幾秒，仲可能其實我睇果條片既長度無播果個廣告長度咁長添啊。

我理得你高露潔牙膏入面加左D咩，次次見到個牙醫，我真係火都黎，即刻掟晒屋企D高露潔出街。仲有最近光棍節果個繽紛樂廣告，你以前果句「請等等，我繽紛樂緊」未幾好囉，搞咩野又話要係拍拖同睇波之間要點選擇，仲要扮晒野出兩個version 分上下集，攪到我以前食繽紛樂食得好開心，而家一見到一見到繽紛樂就燥底。

呢種廣告方法簡直係無好處可講。

第三種：

  1. 當你聚精會神睇緊片，仲要係開左Full screen
  2. 無啦啦條片漸黑，D聲仲要Fade out緊
  3. 又要講粗口⋯⋯
  4. 「You need a website, why not do it yourself⋯⋯」
  5. Skip
  6. 繼續睇片

呢種我諗大家都遇過，聰明既你地亦都知道，只要條片既Timeline 上面有黃色一棟，就會出現呢種廣告。

其實同呢種廣告第二種燥底程度差唔多，而且，次次出現，次次都一定會講粗口。個情況其實如同你係戲院睇戲，睇到最重要既關頭之際，坐你前面果條友竟然起身去廁所，仲要擾讓再一輪佢先行到出去。不過，YouTube 好D，因為可以睇返重要關頭，但睇戲，無左就真係無左。

但大家可能你留意到，呢一種程況下放既廣告，都係果D五秒就可以Skip既片，可能YouTube都知道如果係放無得Skip既，一定會比人嘈到拆天。咁又係，你想像下如果睇戲果陣，睇睇下前面果條友無啦啦起身跳Part舞阻住你睇戲，但佢又迫你要睇完佢跳晒Part舞先可以繼續睇戲的話，你實打死果條友。

不過有時我見到個廣告開頭幾好，都會睇晒佢，睇下佢地係講咩，其實好多時候，我地只係用頭個五秒就定左一個廣告死刑，但可能，精彩既內容，係五秒之後。如果你地真係得閒，又唔趕時間，不如比D機會呢D廣告，可能，你會感受到做廣告既人果D創意，又或者，當做吸收一個新資訊。

就同識人一樣，第一次接觸係無可能知道果個人既全部，點解唔嘗試花D時間，去認識下，去了解下呢。可能，當你了解過後，就會有一個更深既體會。

講到好大智慧咁添⋯⋯

－－－－－－－－－－－－－－－－－－－－－－－－－
希望大家可以like 我Facebook Fans Page
同瘋狂地Share 篇文章 XDDD

https://www.facebook.com/tooleostaurus