我諗每個男仔都會想有一個咁既女仔
開朗，豪邁，傻大姐，講野直接，夠玩得
大家相處永遠唔會尷尬，係你面前永遠都唔似一個女仔
佢傻更更既性格會令你唔知好嬲定好笑
有一個唔服輸既心態同你鬥餐死

但你地最多只係當大家係兄弟
經常恥笑大家搵唔到另一伴
但有一日當你同佢講你拍拖既時候
佢會突然唔會主動搵你 所有對話都變得陌生
我由果一刻知道佢只係想我放更多心機係另一伴
而當佢有另一伴之後 你會祝福佢 亦會擔心佢
你會擔心佢會唔會比另一伴欺騙
但當你知道佢過得快樂 你會會心微笑
雖然大家少聯絡 但每次聚舊都會變番以前一樣
嘻嘻哈哈 吵吵鬧鬧 毫無保留地玩
因為永遠當大家係兄弟！