澄清先,呢篇文章絕唔係賣廣告,睇到張圖即時會心微笑既人,係未已經見圖有聲呢,唔該入黎睇一睇,比LIKE 同瘋狂地SHARE 出去。

是咁的。

我諗入得黎睇既人都大既知道呢張圖既出處。

唔知!?兄弟你未咁假啦你。

當然我都唔排除真係有人唔識得咩野係"澳门首家线上赌场上线啦",而且仲要係用殘體⋯⋯我意思係簡體字,我亦都相信呢一句大部份女仔都唔會知係咩野,除非妳係一個見慣世面既女性,事關我已經問幾位女性朋友,而佢地答案都係話:「網上賭錢啊?」

講到呢度,各位男士唔好恥笑D女人無知住先,因為我相信今日D女人睇左呢個POST後,而果D女人當中有一個係你女朋友既話,可能會問你地一D問題,到時你地自己諗辦法答佢地,所以我係度SAY個SORRY 先。

講到咁,無錯,呢篇短篇就係驗證「誰人喜歡看愛情動作片」,篇野有少少長,得啖笑,希望你地可以睇得開心。

亦麻煩紙言如果SHARE 篇文去FACEBOOK時係到就CUT 文。

好,首先我地由呢張圖既出處講起,我相信如果有睇開愛情動作片,或貯開愛情動作片既人都會知道呢個畫面既出處,而呢個畫面,就係各大經由BT下載既大部份愛情動作片,都會有既開頭,睇張圖既人可能仲聽到有聲添,而且係好大聲⋯⋯

係啊,係好大聲,我相信好多人在家偷睇愛情動作片既人都會試過,當你無耳筒果陣,但又想睇愛情動作片,只不過係屋企又有人,但剩係睇畫面唔聽聲又無謂,咁你地會點做?

無錯嗱,就係校到D聲有咁細聲得咁細聲,細聲到好似得你果個範圍先聽到⋯⋯

未妄想啦,你以為自己開左結界咩,當一個完全無聲既環境,甚至係好靜既環境下,就算好細聲都係一種噪音。

咁點算?聰明既你地一定諗到,就係用另一D比較嘈既聲音去蓋過。所以,有人可能會開住D音樂,有D人可能會開另一套片又或者上YOUTUBE 是但開一個YOUTUBER 既片,然後去欣賞佢地期待緊既愛情動作片。

但係,少年你太年輕了,一句"澳门首家线上赌场上线啦"就夠破左你地既招數,係啊,係呢句啊,仲要係殘體⋯⋯我意思係簡體字添啊。

可能係制片人都捉到路,知道好多人都用好細聲去睇,所以整到呢個開場好大聲,有幾多人中個伏,而又咁岩比人撞破,而果D人通常都會係你媽媽,或女朋友。

「你睇緊D咩野?」

好多人事後都會面對呢個問題,而我聽過其中一個亦係最常聽到又幾有效既方法係,「無啊,我朋友SD左條LINK 比我,我一CLICK 入去睇就咁⋯⋯」

所以話,朋友係幾咁重要。

除左呢個情況下,我諗有D人都會因為以下呢個情況比人發現你地有睇愛情動作片,就係睇完又唔記得熄,行左去做其他野,而係你地唔係部電腦前面既時候,你屋企人,又或者你地既女朋友用部電腦果陣⋯⋯

「你係度睇緊D咩!」

呢一句既衝擊,我諗好多聽過既人都會如世界末日來臨既感覺,但係,人係最危機感既十足下,總係可以找到解決既方法,「我部電腦中左毒,呢幾日成日都彈呢D野出黎。」

係啊,而家網上世界中毒係好平常既事,十個有九個都中毒,剩返果個仲要係帶菌者得未。

但呢個解決方法係最有效,因為同樣地十個有九個一定相信真係中左毒,而剩返果一個,仲會陪你去拎部電腦去整,呢個方法係最醒,因為一次斷尾,包括各位既珍藏。

又或者佢會用,「阿爸(或細佬)又用我部電腦睇愛情動作片。」

呢個方法同「朋友」帶異曲同工之妙。

好多女仔睇到呢度,可能已經思考緊自己條仔有無發生過呢D情況,有D可能好自信咁講,「我男朋友不知幾好,每次見佢上網來來去去都係果幾個畫面。」

果幾個畫面?妳指既係未佢地既桌面啊?未玩啦姐姐,妳知唔知電腦上面有個HOT KEY係可以即時去返妳個桌面度,妳可以而家試下Windows鍵+D,妳就知道個效果。

點解我會話呢D野比妳知,試關睇開愛情動作片既人,係危急關頭都會用呢個方法去切換佢地既畫面,然後用一本正經既表情,開個GOOGLE 或YAHOO 出黎,又或者上YOUTUBE。

所以,妳真心覺得咁就無野。

當然啦,咁給終會有D人係好正經用電腦既。

除左呢幾點,好多時候你地都會聽到D朋友話:「部電腦無咩位剩,想買多個HARDDISK裝下野,而家1TB既通常幾多錢?」

聽到呢句,可能有好多收藏家已經笑左一笑,再諗返起自己屋企度,有幾多個外置HARDDISK。

笑得出既人,可能都已經知道發生咩事,但唔知道既人,我再講白D。

係啊,佢地因為片太多所以要多個HARDDISK 放片。

咁果D片,又唔一定係愛情動作片既,可能係韓劇日劇台劇美劇呢,又或者係D綜藝節目,所以唔好諗錯隔離,但係你要諗錯的話,我都無辦法。

講到收藏呢一PART,真係唔同人又唔同分法,有D係用主角名稱分類,有D就係用片種,而有D就係好奇怪地用,新資料夾(1)⋯新資料夾(2)⋯新資料夾(N),又或者係New Folder(1)⋯New Folder(2)⋯New Folder(N)。

收藏方法通常都係呢幾類⋯⋯

所以妳下次見到部電腦有呢D 資料夾果陣,就請大家高抬貴手,因為當收藏家失去左珍藏果種失落,就好似妳個名牌包比個八婆刮花,又或者大家部iPhone 跌落地下一樣。

不彷比個機會佢,只係改左個資料夾名,至於改咩野名,我提議直接用妳既中文全名,咁樣可能可以幫佢部腦防埋毒,D有毒既片唔會再成日彈出黎。

又或者當佢地部電腦又中毒,或者無位果陣,陪佢地去整機同買個外置HARDDISK。

好啦,篇野打完拿,女觀眾們睇完後,係未想好快咁問妳男友一大堆問題,又或者想用張圖試下妳地男友有無睇過愛情動作片呢?

其實,每個人都有佢地既生活空間,又或者自己既慾望,只要佢地唔過份,其實一笑而過,又或者嬲佢地一陣就算。

佢地唔想比妳地知,係因為知道妳地知道左後會唔開心姐,我唔係幫住D男人講野,係因為如果因為愛情動作片而令到一段感情破裂,其實都算係一個好白痴既導火線。

倒不如,用最寬恕既心去動容佢地⋯⋯咦,點解我講到好似叫妳地做修女咁。

而各位一邊睇篇野識得一邊笑既兄弟們,你懂的。

-------------------------
希望大家可以like 我Facebook Fans Page
同瘋狂地Share 篇文章 XDDD

https://www.facebook.com/tooleostaurus