「喂，你仲係到寫你個個『小說』啊？」
「啊......係啊，哈哈.......」
那個被問到的人打算打哈哈地完結了這個羞人的話題，可是課室入面還是傳來了一陣恥笑，就好像大家正在看黃子華的棟篤笑一樣，笑得合不上嘴。
「你真係好鬼得意啊，小華。」
「拿拿拿，小華，咪話哥哥唔教精你，你睇下出面塊黑板先。」
位座於課室最前方的黑板上，寫著每個學生來年香港中學文憑考試的預測成績。因為這間名學在香島裡猶如預言家一樣，每次的預測成績都是學界裡最為準確的，所以學生們現在剩下的，只是需要考慮入讀哪間大學的哪門科目。
「然後再睇睇你個成績。」
李振華的名字被書寫在最下方，旁邊的分數是----19分。
此時，課室裡又傳來一陣爆笑聲，使小華的臉龐都變得面紅耳赤。
「你覺得你可以入到D咩科傻仔，哈哈哈哈！」
「小華，你之前的成績唔係都算中上游㗎咩？」
一個帶著眼鏡的同學好奇的問道。然而，小華還沒來得及出聲回答，旁邊成績41分，全校排名第二的陳志明便已經搶先一步。
「佢話想寫書喎。」
再一次，課室周圍傳出了恥笑。
「喂喂，究竟你寫咗D咩姐，哥哥好想睇啊。」
陳志明繼續步步進逼，使小華透不過氣，最後只好把手上寫得密密麻麻的練習簿交出。
周圍的同學把頭靠得緊緊的，希望一睹何方神聖。
不久，志明第一個笑得合不攏嘴。
「唔係啊話，你呢D都叫寫書？」
旁邊的同學被他的笑聲所感染，然後一起在旁邊陪笑著。接著，志明便一下子把充滿皺折的練習本撕掉，用仙女散花的形式讓紙碎飄落到地上。
課室爆出一陣歡呼聲。
「喂，你，你做咩撕爛我本書呀？」
「撕你咪撕你囉，驚你啊。拿，我就一定做硬醫生架啦，年入過千萬，住豪宅養洋狗。到時如果你來乞食，我可能會施捨D零錢比你啦。」
緊接著，課室又再次傳出一陣爆笑。
小華眼泛淚光，慢慢地從座位站了起來。
「你地，真係鍾意做醫生律師咩？」
「唔通你地唔想做自己鐘意做嘅野？」
周邊的同學聽後，立刻交頭接耳地竊竊私語著，恥笑著。
「佢唔係講夢想啊話。」 「傻架佢? 」 「佢認真架?」
最後，大家都像用看到異物一般的眼神投射到小華身上，厭惡地微微退後了一步。
不知哪個同學忍不住重壓，細聲的道。
「你都係放棄吧啦傻仔。」
接著又係令人萬分厭惡的恥笑。
「我.......我........」
小華低下頭，漸漸用力握緊拳頭。
「只係，鐘意寫作姐。」
淚水開始超過了表面張力，一滴一滴地掉落到乾涸的地面上。
「唔通，咁都有問題？」
「你唔係以為做作家有錢攢啊話.......」
終於，他忍受不住，抬起了眼睛，咆哮地叫道。
「我唔係因為希望做作家所以寫作，而係因為希望寫作所以做作家！」
說畢，小華就用手臂捂著雙眼，衝出了課室。
從此，就再沒有人見過李振華。
