影評直擊-切匆打丁最有創意既恐怖片？
簡述︰講述一隻怕光既鬼點嚇人既故事。
講真我真係無咩係戲院睇鬼片既經驗。上一套係戲院睇既鬼片，係依個conjuring2(港譯︰詭屋驚凶實錄)，因為第一集覺得幾好睇，所以決定去戲院睇。
我慣左一個人睇戲，事後十分後悔，我第一次睇戲睇到想走。
幾乎無一秒比你喘氣既機會，經過果一次，係我個心度留低左一個陰影(個陰影好似戲入面隻女西咁_)，
心諗以後唔會再比錢入戲院受依d氣。(但我都係覺得佢係一套高汁鬼片，有機會再講。)
言歸正傳，今次經朋友邀請一齊去睇依套切匆打丁。
佢係上映之前，係youtube賣晒廣告，甚至有人話佢係最有創意既鬼戲。
如果唔係溫子仁(擔當監製)個大名，我應該都唔會睇。
故事黎講，真係好向左走向右走簡單。
講一條唔晒交際既可憐蟲，簡稱佢為毒拎。因為想得到友誼，而係到亂咁黎。
一套鬼片最重要係嚇到人，同埋有女睇。
故仔簡單其實唔緊要，充其量係用黎烘托出一個恐怖既氣氛。
Conjuring完全做到依一點。
而切匆打丁做唔做到依一點呢？
我覺得佢做唔到。個故事只係比左個鬼怕光既設定點黎。而依套戲既導演利用依個設定，放大黎玩。
都幾有創意既。
佢有無女？
其中一條女幾索既。查番原來係熱血喪男(warm bodies)果女主角。跟住就無其他女睇囉。
嚇人既情節，有幾個位都嚇到我，主要係一d聲效嚇到我。
真正覺得恐怖既地方，我覺得得地下室果度係恐怖。
可能因為唔係溫子仁做導演，依套野唔能夠比到我呼吸唔到既感覺，
如果睇詭屋驚凶實錄係有一舊大石壓係胸口，佢就只係一舊小石。
整體言而，我覺得依套戲唔值得入戲院睇。
即使你好鐘意溫子仁，都唔值得入去睇啦。佢的確有溫仔仁既味道，但得好少。
依套只係一套小作品。
女又唔夠多，又唔夠恐怖，剩係得番個玩燈創意。
以上係我既個人見解同感覺。
