近日最大煩惱就係被遣散之後，下一步要搵份咩工呢
鑑於我個人本身就比較奄尖腥悶，但自身條件又唔係優秀
於是喺呢個您揀人人揀您既情況之下
我應該係屬於果種有排都搵唔到工既一群可憐蟲。

我既麻煩性格可以用於揀另一半同揀工作，
心入面有好多野想做同唔想做，奄奄尖尖
就exact7ly係人地口中既「唔襟撈」呀！

我身邊老一輩既親朋戚友都會提議我點點點
然後我會話下我唔想做呢行呀，然後佢地會話「咁您想做咩」
「我唔知！但我知道我唔想做啲咩呀！」（大叫）

佢地會話：「阿女，我出來做野咁耐，好肯定話您知，興趣同工作真係兩回事呀！搵份高人工既工好過啦～」

我唔係唔明白。我好明白要喺香港呢個地方生存，錢係好L重要
但係我唔想變左果種番工放工賺完錢最後拎哂去供樓畀哂大財團
香港大部份人都係為左大財團努力工作出賣夢想咖啦
我知，可是我就是不想

應該話呢刻仲有啲啲青春既我唔想。
（我唔敢話我呢世都唔會屈服，但呢刻我唔想）

所以呢排覺得最攰既就係面對呢堆食鹽多過我食米既人
我唔知點樣去解釋我果種唔想妥協既想法
因為點講，佢地都會認為我只係一個不設實際唔知想點既懶惰90後
標籤除不下，都懶得去除下

我唔奢望有日幹出一番大事，令佢地心服口服
不用了～我淨係堅持會搵份我想做既工
然後用果份雞碎咁多既人工自己養活自己
咁就無人有資格說什麼了。

/

我的專頁：https://www.facebook.com/hkgirlfriend/