『生活過得好嗎？』
『近排忙緊咩呀？』

簡單的兩句說話，令你想起誰？
是很久不見的好朋友、舊情人還是舊同事嗎？
誰在最近問過你這個問題？
而你有多久沒有主動問候他們？

過去他們與你生活的一點一滴，
凝聚成你人生中最珍貴的回憶。

細個嘅時候曾經約定咗幾個好朋友，
無論將來大家生活有幾忙都好，
至少一個月相見一次。

人大咗，出左嚟社會做嘢，
你會發現原來做『活動攪手』真係比想像中困難，尤其當你聽到好朋友噉樣回應你：

『呢排生意唔好，我真係走唔開喎，下次我一定會到！』

『我今日突然間要OT呀！你地食得開心D啦！』

『嗰日…我要陪男\女朋友呀，唔好意思呀！改過第二日可以嗎？』

『唉！我唔出得嚟呀！呢排我老婆成日話我返工忙到無時間陪佢，你明啦！我要供樓供車，緊係要搵錢行先啦！』

『其實我都好想嚟嘅，不過冇人幫我湊住我個仔\女，真係唔方便出嚟呀！』

『嗰日唔得呀！我要煮飯比我老公、奶奶、老爺食呀，唔講啦，我買緊餸，再傾…』

講真！
身為『活動攪手』嘅我，
有時真係會有少許失望，
我知道你地真係好忙，
但係大家好耐冇見啦！
我真係好想見吓大家！

而我相信你地係真心想參與活動，

我亦明白大家喺生活中嘅角色變得愈來愈多，
做人員工、
做人老闆、
做人男女朋友、
做人老公老婆、
做人爸爸媽媽，
真係冇噤容易行得開。』

在感到失望的同時，
我們仍需要體諒身不由己的朋友，
假如有一天你身處於他們的狀況中：
當你工作到天昏地暗時、
當你做到忘記了自己仍未用餐時、
當你寸步不離照顧著初生嬰兒時、
當你成為一家之主要維持生計時、
你就會明白他們的無奈與困境，

發現休息時間不知不覺變少，
壓力與疲倦的身體已經融為一體。

偶然，
他們很想與好朋友見面傾傾計、訴訴苦，
但時間表已被生活中重要與瑣碎的工作填滿，他們只好不斷拒絕別人的邀請，
責任所在令他們錯過一次又一次的聚會。

當我們生活到累了時，
更加需要舒緩和釋放，
不要忘記你仍然有好友一直陪伴你，
你的好友們亦很願意做你的聆聽者，
他們可以給你正能量、意見、歡樂。

『記得就算幾忙都好，一定要抽時間主動約下好朋友！』

而我仍然會繼續選擇做『活動攪手』，
聚會就算『唔齊人』都可以繼續進行。
我相信只要大家有心維繫、互相遷就，
我們一定能相聚。

珍惜每一次與好朋友相聚的時光，
真正的友誼是需要經得起時間與生活的考驗。

感謝讀者用了寶貴的幾分鐘進入此文章細閱
本人只想與讀者有所共鳴、共同成長

FACEBOOK 專頁: 自卑紀念碑
希望可以榮幸地得到你們的 『讚好』