大家好!我個名叫李仲成,今年22歲 。

返緊一份好普通既寫字樓工,月入冇「月入三萬的香港人」咁多。

有時放工最大既娛樂都係同我個死黨志威出去食下飯吹下水 ,冇夢想。

我亦都冇諗咁多,人生目標可以話從來都冇。

講開又講,其實我都有個由中學識到而家既死黨佢叫志威 。

志威係一個靚仔得黎又好有錢既二世祖,基本上佢唔洗做野。 因為佢老豆有自己既公司,求其比個經理佢做都大把人比佢任點同幫佢做野。 呢

個時候要用下阿源既名句 「這些機會不是屬於我的」,起感情方面更加唔洗講都知佢最唔缺既就係女人,所以佢直頭係人生既勝利組。

而我地點解會做到死黨,其實真係好難去解釋可能人夾人緣掛,或者係我地既緣份,但我絕對唔係hehe!!!

所以生活平淡既我亦冇諗過會有一個善解人意長腿幼腰大波既女朋友。只係希望搵到一個平凡既女仔拍下拖 ,感受一下愛情之間帶黎既少少激情。

每次當我ff緊將來既女朋友係咩樣既時候... 腦海裏面都會不自覺浮現左那個’她’ …

一個我印象之中從來冇見過既女仔,而每次當見到佢既時候,都會係起夢中迷迷糊糊咁略過。

每次當我就黎見到佢個樣既時候,總會醒左。 印象中佢有一把「飄逸的長頭髮」,好有氣質,充滿住一種所謂既「仙氣」。

感覺好親切...好似同佢識左好耐好耐咁! 我成日都起到諗其實我係咪識得呢個女仔, 因為感覺實在太熟悉,熟悉到佢好似一直起我身邊咁。

講返志威基本上我乜野都會同佢分享,包括我頭先講夢中相遇既女仔 ,

而佢只係應左我話「想要女咪出聲囉!介紹一兩個比你識啦唉,一場兄弟唔洗講野,識做架啦!」

好明顯佢個仆街仔誤解左我既意思! 不過算啦,還掂夢中既野不嬲都只係一樣好虛無既事情 !同埋好千奇百怪,乜春都有可能發生架啦!

講到明係一個夢。 雖然有人話你發既夢其實係有得解釋返,但我都係唔好去浪費時間諗啦。

果個女仔可能只係我一直ff出黎,諗下月尾斷糧點算好過啦。 又一個坐係電腦前面不停工作,由朝做到晚既一整天。

好多人都話中學係人生最快樂既時間,我以前真係唔信!

覺得講呢返說話既人都只不過係想同班學生講有書讀已經好幸福架啦!

即係簡單黎講起香港呢個填鴨式教育制度底下,再次加強叫我地好好珍惜讀書時間。

但我而家真係信,我真係信啦!

出左黎做野之後又成日要睇「腦細」面色做人,同事之間又要學識所謂既「辦公室政治」,一句講哂「煩到仆街」。

所以我都係選擇做一個不理事非既office boy ,咩都唔去理做好自己, 個個月有萬幾蚊人工對我呢個中六畢業生黎講已經算係唔錯架啦!

一放工已經好攰好攰,求其起M記食個22蚊超值抵屌餐就算!

拿拿臨返屋企打陣機跟住就沖涼訓教,我既生活冇志威咁多姿多彩,雖然佢成日都叫我唔好做呢一份office工,去佢公司做佢求其比個位我做 ,但我每次都拒絕左佢。

因為我好怕聽到人閒言閒語 ,我寧願做呢份office工都唔想去到 志威公司背後比人講事講非。

雖然起職場上,靠少少自己有既人脈係好正常既事,但我並唔想咁。 你地可以話我戇居,抵我一世做死office boy ,但我只求居於 安穩現狀。

打完機訓落張床到,一合埋眼我feel到自己可以3分鐘內進入 睡眠狀態....

點解又出現返呢個白色畫面,我隱約之中又見返個女仔! 雖然真係好朦朧,但我好肯定佢就係我成日起我夢中入面見到既人。

我好想靠近佢好想睇清楚佢既樣....好想好想....

畫面一過,我發現我前尾有好大個米奇老味既頭像,心諗仆街啦 我唔係入左迪迪尼下話!

呢個咁有童真既地方我真係淨係中學旅行用團購價先去過一次咁大把!

屌拿星!佢年年加價,又勁多大陸人瘋狂打尖,起我心目中其實係叫大陸人樂園!

我再望下周圍,所有人同物都非常清楚,重見到門口既迪迪尼員工笑到四萬咁既口。

突然聽到前面有一把好溫柔既聲線,我立刻向前一望。

點解又見返個女仔,唯人變左既係眼前呢一個女仔著左件米奇既T-shirt ,但我依然係睇唔到佢既樣。

再望一下自己,我都著住件勁智障既米奇老味衫 !嘩真係屌左聲,明明我從來都唔係行呢個style架!

「你重停起到做咩啊!快d入去玩啦 !我好想玩飛越太空山啊!」隱約見到佢笑得好燦爛,好似一個好有童真既大細路咁!

呢一下我心諗,我唔撚係撞左邪下話!

雖然我係咁諗,但身體卻很誠實咁向住佢既方向前行,可能係我真係好想望清楚佢個樣,但好可惜始終都係...