續《作為過來人，講下校園欺凌》
好多謝各位（其實都係得幾位）既注意，既然大家都比左個like我，我都會努力
寫野作回報架！！
回應謬見：被欺凌者應反省自身，而不是尋求支援／怪責老師不幫助
咁作為被欺凌者，相信大家都有聽過下列句子：
「人唔會無啦啦恰你，你肯定有問題啦！」
「搵咩老師姐，問題明明係你到！」
等等。
「問題」既定義係咩野？
性格、行為、樣子、身型、成績？？
「問題」從某角度睇又唔係問題。
點解講野直白，不擅詞令又係一種問題？？
點解身型肥胖，行動笨拙又係一種原因？？
有時候，我覺得問題根本不是問題。 １
（大把所謂有問題既人出到黎做野一樣有大把朋友）
老老豆豆，唔鐘意我唔緊要，大不了味唔玩囉。
點解要欺凌？ 總有一大班人講「可憐之人必有可恨之處」。
傻的嗎？？ＷＴＦ？？
咁就將個惡行推到個個被欺凌既男仔身上？？
老師／學校無必要令佢受歡迎，
但係，至少，都要比佢可以有安穩既「生活」先，岩唔岩？
呢種最低度既支援點都要做，係咪先？
當問題不成問題既時侯，你地憑咩去迫人改變性格遷就你？
其實被欺凌既人都係善良既，
就係因為咁，
所謂既欺凌者先可以仍舊無恥。
防止謬見，
你我有責。
唔好將老師個責任推撚得一乾二淨。
１ 頭盔：
我絕對同意某些被欺凌者的性格需要改善，但係唔係全部都係要咁做？
呢個問題，值得深思。
以下是回應前文評論之輯錄：
１：「校園欺凌固然不對
但係喺呢單野入面
你可能自己都有問題呢」
回應：
我同意被欺凌者有你口中所謂「問題」存在，更正確應該係「性格上既缺憾」使得被欺凌者出現。
但係絕對唔可以用話「問題」就令件事合理化。同埋呢篇文絕對唔係單單話自己幾慘，而係老師既角色同責任無做好，而且仲要做左錯既行為令欺凌更加嚴重。
呢個先係我既核心論點。
補充：強調番先，我覺得欺凌係團體必然出現既現象，但係作為領袖既老師點樣抑制佢先係重點～～唔好誤解我篇文thanks~
２：「君子求諸己，小人求諸人」
回應：
你絕對可以咁講~不過其實講呢D大道理s有作用存在?你會唔對一個小學生講「君子求諸己，小人求諸人」咁搞笑?
作為一個平常小學生/中學生,基本上無可能做到~同埋所謂既被欺凌者既「問題」,從某角度睇又唔係問題~
性格唔鐘意講野,身型肥就要被欺凌?叫人唔好欺凌,叫人老師幫手就係「小人求諸人」?
所以呢d你大道理放係欺凌身上係我眼中同bullshit無咩分別:0)當然你可以keep住叫被欺凌者話係你問題,只係識得怪人~~~
That's all. Thanks for reading :)
歡迎回應及指正:)
