真正既朋友係咁樣寫Postcard既..

我有個收集postcard癮
於是周不時都會收到朋友喺異地寄畀我既鋪卡
而我去旅行都會盡量寄幾張鋪卡畀朋友

今日番屋企開信箱又收到張鋪卡
而鋪卡既內容 就只有一個心心。

寄卡畀我既係中學既好朋友
而我印象中佢都唔係第一次令我發笑
有次寫左「朋友 我當您一世 朋友」
有次佢去左澳洲寄左張佢攬住樹熊既鋪卡畀我
我指係真係有佢個樣係鋪卡上面！

我媽第一時間問：呢個人係您朋友呀？
係。我諗澳洲同香港既郵差應該都想問我...

我有另一個好朋友又係寄鋪卡時只會寫幾隻字
例如「祝：身體健康」或者「我喺xxx呀！」完。

我諗唔係佢地敷衍我
而係當做左咁多年朋友寫過咁多次鋪卡
都真係唔知仲有咩好講
潛台詞應該係：「喂心照啦！」

何況自己都去過旅行寄過鋪卡
都好明白要坐低慢慢寫滿成張真係諗爆頭
而且好多時都唔係寄一張 張張寫滿都好吃力

所以最好既朋友 其實已經唔需要寫咁多

重點係 雖然我無咩寫畀您
但係去到異地我都想起您 都想寄異地風景畀您。

友情同愛情一樣，
最高境界就係無聲彷有聲
識唱既一齊唱：「和情人深深一吻 來代替講話 好嗎
這鋪卡以無聲仿有聲 領略時未需解碼」hey!

所以每張收到既鋪卡我都好珍而重之
放左喺一個盒入面
無論係寫到密密麻麻 定係畫一個心心
我都感激您在異地遊玩時也想到我
也花了金錢花了時間把遙遠的故事帶給我

/

我我專頁：https://www.facebook.com/hkgirlfriend/