我想分享一下 關於我既成長故事
仲記得小時候 我同媽媽因為係澳門人既關係 只係一家四口住係粉嶺一個二人公屋單位 幼稚園要揀最近 小學亦係隨便揀
媽媽知道小學有名校 更容易上到所謂既Band1英中
但係為左照顧埋細我三年既妹妹 只好揀最近哥一間
媽媽捉得我好嚴 小一考唔到一百分要打手板受皮肉之苦
佢讀書唔多 更唔識英文 卻陪我一齊用快譯通讀一個又一個既生字
我學幾多 佢就學幾多
課外活動呢?佢好想我學琴 話將來升學會有用 但係屋企無乜閒錢 最後買左部電腦
好多得哥陣屋企無乜閒錢 我先唔洗學音樂
於是我既生活就係放學睇放學ICU同多啦A夢 然後溫三個字書 之後打三個字機 九點半準時訓教
禮拜六會番一千零一個奧數班 無計因為我中意
細細個好百厭 見到火柴好好玩 就用哂成副身家買火柴一野燒哂

聽D哥哥講話D花有花蜜好甜 就落樓下公園擺D花落口 點知都係無味
上堂中意整蠱同學 整到比人地呀媽投訴
由細到大都無補過習 卻睇完一套又一套既卡通
無乜參加課外活動 卻換來一塊又一塊既運動獎牌
或者我始終諗野都好幼稚 我依家都係照咁既方式生活
不過媽媽好安心 至少 Band1英中我讀到 大學 亦無乜問題
最近小學派位有位媽媽豪擲二千五百萬搬屋 又每月洗一萬蚊比囡囡參加課外活動
最終得嘗所願 入到夢寐以求既小學
係呀 小學炸
囡囡心裡苦 但囡囡不敢說
對比番 我既故事好似好寒酸 但至少我仲記得哥一段媽媽坐隔離陪我一齊努力既日子
呢個囡囡既父母請放心 長大之後 你既地位只會不如一部智能手機
愛 係設身處地為子女設想 卻唔係唔理子女既承受力 將所有野塞入佢地腦袋
有時候 請讓孩子飛一會 睇套卡通唔會變蠢 打鋪機唔會比其他人超越
P.S. 明報報導香港大學醫學院話有錢既家庭既子女比窮困既家庭既子女智能發展能力高兩成
呢D研究衰D講句都on99 係有錢既家庭逼佢地既子女成長得太快 定窮困家庭既子女追唔到佢地既步伐?
以前A for apple B for boy
依家?唔知啦 總之仲難過我中學學既英文 唔怪得差兩成 我覺得同我比 佢地智能發展能力高我一半Tim
有興趣自己睇: http://news.mingpao.com/…/art…/20160607/s00001/1465236041615
{點解我會出世 有我呢個人}
{點解細個個個大人教我要叻過人}
{返學點解計分 操行好係咪好人}
{點解咁多霓虹燈 媽媽仲話個社會黑暗}
{成績表儲星星 長大要做精英}
{無人肯停停望下個天點解冇星}
https://www.youtube.com/watch?v=uOz47rMsbns