"其實一直以後 我地都將好多地方 好多野當成理所當然"
"我地對於呢D理所當然既事好冷淡 所以理所當然就忍受唔住消失既悲傷"
"因為消失之後 我地先發現佢既存在"
"今後會唔會繼續有更多理所當然既事會消失呢"
長大之後我好少睇Keroro 因為我覺得呢一套卡通已經唔屬於我
然而 我仲好記得以前細個已時候 其中一集係講一間即將結業既玩具店
Keroro話 如果連一間玩具店都守唔住 點稱自己為一個侵略者
後來我諗左一諗 點解呢一句說話 係由一個外星人口中講出黎
點解一D我地視為理所當然既野 要由其他人去守護

我地習慣將人地對我地既好視為理所當然
父母既疼 情人既暖 朋友既撐
於是我地會想任性一下 不顧一切咁去追夢 無後顧之休咁去做自己想做既野
然而自己成功了 名成利就 有D理所當然卻在途中消失了
{叮噹可否不要老 伴我長高}
叮噹走了 父母老了 愛人朋友 好像都走散了
或者每個人手握既屬性點都一樣 但每個人配點既方法都唔同
有人中意陪伴家人朋友 所以事業只好犧牲一下
有人熱愛工作為事業打拚 所以和家人朋友既距離也只能遠一點
{談好 一個事情 可以兌現時 你又已安睡}
呢一句歌詞好有意思
我君臨天下既時候 點解父母仿佛一夜白髮 愛人離我而去 熟悉的人都不見了
可以同我地共患難 只可惜等不到一起共富貴
樹欲靜而風不止 子欲養而親不在
孝要及時 愛 別太遲
{最好 我在意的 任何面容都 不會老}
{祈求 舊人萬歲 舊情萬歲 別隨便老去}
https://www.youtube.com/watch?v=sFjLsF_oA3E
Keroro: https://www.youtube.com/watch?v=EyQB_9Q_6u4