21克呢一個重量 你會諗起D咩?
係一隻蜂鳥 一片朱古力 定係你岩岩煩惱既時候飄落既頭髮
傳說 每個人死後體重都會急降21克 無論高矮肥瘦 都係21克
呢一個 係靈魂既重量
好奇怪 無論你身形點變 都影響唔到呢21克
造物主仿佛要話比世人知 每個人既屬性點都係咁多
可能有人點多左去體質 有人減少左敏捷 有人加多左智力
總之加埋 就係21克
只係呢21克所駕馭著既身軀 好似唔依照靈魂所想去辦事

好想去留住即將要走既佢 卻原地踏地
好想去追尋一直以黎既夢想 卻被困係課室既座椅上
好想去搵自己既幸福 卻遺忘自己既幸福係咩野
係囉 有無停落黎問問呢21克 到底咩先係幸福
中學Econ第一堂就教咩係scarcity
短缺 係因為人既欲望無限大 而貨物則有限
世界上幸福指數最高既國家係老撾
而偏偏最幸福既國家 係一個貧窮既國家
係咪擁有得愈多 就會愈唔開心
其實唔係 只係得到擁多 愈唔識珍惜 愈唔識知足
讓時光倒流 等我地學下以前
夏天食杯雪糕就會笑 冬天食個煨蕃薯就會暖
到最後 呢21克離開呢個軀體既時候 會覺得
我 好幸福
{從無求到渴求　直到渴求整個宇宙}
{來到最後卻只想得救}
{忙著擁有　忘掉你我本都一無所有}
https://www.youtube.com/watch?v=7TefwmjpAqo