得到雷之石既小智 將進化既決定權交比比卡超
而我地都知道 比卡超無進化做雷超 放棄左進化既機會
官方交代唔進化既原因係比卡超有骨氣 唔想靠雷之石既力量去打敗武鬥道館既雷超
坊間則流傳另一個原因
每隻小精靈進化之後 外型 招式 同性格都會改變
最重要既係 進化之後 小精靈會無哂進化前既記憶
需知道 比卡超一開始並唔馴服於小智 但係小智無放棄 係危急關頭唔理自己安危去保護比卡超

就係咁比卡超打開自己心扉去接受呢一位好拍擋
如果進化係要用同你之間既記憶去交換既話 就算進化之後羸左
但係我唔記得你 勝利 好似就無左佢既意義
搵到一個人同你共富貴好容易
只係勝利既時候陪你君臨天下既人 未見得會係你失意既時候扶你東山再起
就算挑戰武館失敗 彼此受過幾重既傷都好
小智唔放棄 比卡超就必定會相伴
就算比卡超比火箭兵團捉走幾多次 小智都會奮不顧身去救佢番黎
所以比卡超選擇珍惜呢一位識於微時既拍擋 寧願以後只做一隻打唔羸雷超既比卡超
總會有一個人 成為你唔想飲孟婆湯既理由
總會有一個人 成為你唔想進化唔去爬咁高既原因
總會有一個人 無論你去到天涯海角 都會要找到你
總會有一個人 同你識於微時 你永遠都會珍惜既一個人
{專心與你　與你　去競爭比拼}
{打開心中的愛　便能用盡力量}
https://www.youtube.com/watch?v=44W-5a0lNJg