網上面有一種煩膠，就係一直強調想大家欣賞自己智慧，但又不斷自貼靚相，而且仲要少少智慧表演都唔洗扮下就出嚟呻吟：
「唉，明明我想大家欣賞我智慧，我都唔靚?。」
結果又呃到一班傻仔講：「唔係吖，女神大大！」
嘩！以前選港姐歷時半年，又要俾人評頭品足，又要飛天下海，又要到鏡頭前俾幾個司儀串你，仲要一個唔好彩拎到冠軍都要俾人批鬥話你內定、陪人上床換獎...
最慘嘅係，就算你拎咗冠軍，分分鐘前途差過個拎友誼小姐嘅七號佳麗。
講真，成本咁高回報率咁低，俾我就唔會想選港姐。
而家上一次IG Facebook，數唔清有幾多個女神，總有幾個話你知「我美貌與智慧並重，但我想你睇我智慧」。
係，因為咁樣你連批鬥佢外表嘅資格都無。
然而，你永遠唔知佢地最犀利係乜嘢。就係，無論你點扮清純都好，都會有一批佢地口中嘅變態佬問佢地價。然後佢可以選擇接，又或者賣條友出嚟再塑造得自己更清純。
係呀！做網上女神基本上零成本，而且鍾意點塑造自己都得，然後商機無限。
如果係咁，點解我仲要選港姐啫？