「我話你知，我條女就係喺dating app度識嘅！」Marco對著我說。
我是Andy，六月，正好已考完DSE，等待著放榜；正好我在一所健身會所的傳銷部門工作，每天都要打warm call向人宣傳。
這一晚下班後已經是晚上11時，我和同事在一個大排檔裡享用晚餐。
我：咁你哋當初喺網上傾咗幾耐？
Marco：梗係傾3日就約出嚟啦！
Marco：呢啲地方一條女可以同時俾幾百個人溝緊，好似你咁仲慢慢嚟嘅，好快就冇得食㗎喇。
Marco：你知唔知？我就係識講野，贏呢幾百個男人，好快得到條女嘅attention，所以先得手。
交友app，我略有所聞，但從未玩過，更諻論用它來交女友了。
我無可否認，一個樣子有最少中上質素的女生，在網上的世界（包括FB和IG）只要她主動點認識新朋友的話，是很容易就得到過百個人對她派「心心」或者訊息；而你身在其中之一，你對她發送的訊息是很快被其他男性壓到沉底，所以要憑說話來贏取她的注意，本來就已經難到冚家剷。
憑這個邏輯，大可知道我不喜歡追星，因為她們跟本高攀不起；我寧可腳踏實地透過結交朋友來接觸女性就好了。
我：好似幾正咁，有咩app介紹俾我玩？
其實，我只是出於好奇心所以才說著要用交友app，最主要都是覺得交友app新鮮，令我好奇而已；識女仔當bonus。
Marco：唉！！！你都唔識同人溝通，唔啱你玩㗎喇！！
Marco的說話仍無阻我好奇心，他愈是說不，我偏要做！今晚的飯餐就如此完結，我回家睡了一晚後，便從Google Play上下載了Tinder。
