「細佬！今晚記得買洗頭水返嚟啊！」啊媽嗌我。

「哦⋯⋯」我冷冷一句就去咗返學。

點解明明家姐有支洗頭水，我地唔可以用呢？

依個問題我諗咗好多年，一直都諗唔通。

放學嘅時候啊媽驚我唔記得又打個電話嚟。

「啊仔～啊媽啱啱沖完涼，支洗頭水真係用晒啦！你記住買啊～」啊媽夾雜住點鄉音提醒我。

我去到間百貨店左望右望，到底邊支洗頭水好用呢⋯

由細到大我嘅頭髮總係唔夠家姐嘅頭髮油順。

而家姐嘅洗頭水就只有佢一個用得，我開始諗⋯到底支洗頭水同我用開嘅有咩分別呢⋯⋯

貴啲？滑啲？定香啲？我唔知道。

我只知道我唔能夠再俾我家姐嘅頭髮比我更油順！！！

所以我決定，今晚要用我家姐支洗頭水！

「啊仔～返嚟啦，有無買洗頭水啊？」啊媽一臉期待望住我。

「嗯，買咗兩支！」我一邊敷衍我啊媽，一邊莊下個廁所邊個沖緊涼。

「啊媽～邊個沖緊涼啊？」我望住廁所方向問啊媽。

「咪你家姐囉～得佢有洗頭水咋嘛～～」啊媽拍一拍我手踭，講完就返入廚房煮飯。

我嘴角上揚微微一笑，我就知道今晚係一個好機會。

「啪！」廁所門打開啦，我攞住毛巾係門口等待多時終於出嚟啦！

「咦，細佬返咗嚟啦？」家姐毛巾包住頭髮問我。

「係啊⋯」我盯住家姐頭上嘅毛巾，我相信我嘅頭髮好快會有同樣嘅待遇。

我微微一笑，見家姐啱啱離開廁所嘅一刻⋯⋯「砰！」我衝咗入去。

「喂！細佬！我支洗頭水仲係入面啊！」我家姐緊張喊停我。

好可惜，你無好好保護你支洗頭水，所以我先至會有機可乘。

「砰！」我緊緊鎖上廁所門，你要怪就怪你自己啦！哈哈哈！

「sor啊家姐！我個頭好痕啊！」我暗笑住輕輕叫出去。

「灑⋯⋯⋯⋯」我打開咗花灑啦，對唔住家姐，我已經返唔到轉頭⋯⋯依個頭我洗硬！

我把頭伸到花灑先為我寶貝嘅頭髮沖濕。

水溫啱啱好，是時候啦！

我慢慢把手伸向家姐支洗頭水，到底你有乜秘密會令到我家姐愛不釋手呢⋯⋯

一想到依點，我隻手居然控制唔到震顫起來⋯⋯

「喂！細佬！快啲開門啊！」家姐，你知唔知道你咁樣只會令到我更想用你支洗頭水架咋，

我鼓起勇氣一嘢按下家姐支洗頭水。

黃黃白白的，像鼻涕一樣。

我甩一甩頭，可惡！我居然用鼻涕去形容家姐支洗頭水！？真是不該！！

我重新想一個形容詞，冷冷凝凝的，痴痴糊糊的，香香噴噴的。

就啫哩吧！不錯，我果然係我家姐大人嘅細佬。

我把手上那啫喱搽到頭上，第一吓嘅質感令我驚愕。

這真的是洗頭水嗎！？我來不及反應手便搔起頭來。

太暢快啦！果然並非一般洗頭水，白色的泡泡沾滿我雙手。

彷彿就連頭根深處都被清洗得一乾二淨，啊～我不禁舒服得嗌了出聲。

「細佬！你係到洗頭啊？」我家姐焦急起來，敲住門問我。

「啊～～～唔係啊～～～」我呻吟住否認。

你實在太遲啦，一齊都太遲啦！

我已經用緊啦⋯⋯你支收藏多年嘅洗頭水。