唔係掛，你邊位？

我係醫院張床度起翻身，一開眼，隔離就有個女仔，不過就好後生，唔係我啊媽。

『你邊位啊？』我真係唔識佢。

『衰人！』佢好嬲咁鬧完我就走左，仲摑左我一把，做咩啊？

『啊仔？你做咩激走曉穎啊？』老媽子而家先黎到，你知唔知你個仔無端端比人摑啊，仲要比個唔識嘅摑。

『痴線，佢邊位啊？無端端摑我一把！』痴線，無端端打人都得嘅？

『佢係曉穎啊！你個傻仔係咪訓L懵左啊？』有L病，邊個曉穎啊？

『我都唔識佢！』我頂，連啊媽都癲埋一份。

『點會咁架？唔通你失左憶？』老媽子講完就叫醫生。

『醫生！醫生啊！』

『佢應該失左憶，之前嘅意外應該傷到佢腦部嘅記憶區。』咩失憶啊？TVB啊？

『唉...』老媽子嘆左一聲氣。

於是，她坐係我隔離，同我講左個故事。
×××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××
『啊楠！』一個可愛嘅女仔過黎抱住左我。

『啊穎！』我真係好開心，好幸福，你，就係我嘅全世界。

啊穎係我女朋友，我地識左差唔多4年啦，我地係大學個陣就識，有一次我落堂翻hall，唔小心撞到佢，於是我扶起佢，幫佢擰野。係咪好TVB呢？

後來熟絡左之後，發現佢都好好相處，仲鍾意左佢tim。我係平安夜同佢表白，佢仲應承埋，之後就做左我女朋友。

一開始好sweet架！但係好景不常，啊穎阿爸阿媽都唔贊成我地拍拖，又成日話啊穎應該識住好人家，所以成日逼佢去相體。大佬，咩年代啊而家，仲盲婚啞嫁咩？

啊穎其實都好唔願意，但係佢都叫做孝順，所以就勉強去左幾次，仲因為咁而同佢地鬧左幾次交tim。

『其實你可唔可以唔好再去...』今次係我開口。

『你都知我唔想架...但係我唔去佢地都會唔開心。』我成日覺得佢冇諗過我開感受。

『咁我呢？我唔會唔開心咩？』

『對唔住啊，我當然知道你唔開心啦，但係佢地係我父母....』

『我呢？我係你男朋友黎架！邊有男朋友想睇住自己女朋友去相體架？』我忍唔住情緒爆發。

『我都唔想架...原諒我啦啊楠。』佢神情可憐，但係佢次次都係咁。

『你次次去完都爭係識道歉，有用咩？我係想你唔去啊！你明唔明啊？』我嬲得滯。

『我地分開冷靜下啦！』我講完呢句就走左出門口，留底佢自己係入面喊，我又何嘗唔傷心呢？

唔知係咪個天要懲罰我呢條蛋散，我一出門口過馬路，就比部車撞倒。

混亂中，我聽到有人喊，聽到有人不停咁道歉，我想開口同佢講一句...

『對唔住，係我太衝動，我原諒左你啦！傻妹！』但係，我已經冇呢個能力，我慢慢咁失去意識，我feel到，佢嘅眼淚，流左落我度。

『係我對你唔住，如果我醒得翻，我一定同你求婚。』
×××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××××
聽完個故事，就真係好似TVB d膠劇咁，我即刻記翻起所有野，我記得你啦，曉穎！！

『啊媽，我要去補鍋啦！』我冇理到隔離嘅醫生，一支箭咁衝左出去。

『曉穎！曉穎！！！』我周圍亂叫，成個癲佬咁，宜家呢一刻，我嘅心入面，只有你。

我叫左好耐，但係依然唔見佢嘅踪影，我唔等得啦！

我又跑到佢屋企樓下大叫，唔知係咪個天都可憐我，竟然突然落雨。

『啊穎，係我對你唔住，我曾經應承過自己，如果我醒翻就即刻搵你道歉，但係我冇做到！係我冇用，一直都忽視你嘅感受！』而家我有好多野想同你講。

我好希望你會原諒我！原諒我嘅衝動，原諒我冇體諒過你，原諒我呢個蠢人。

突然，佢係雨中出現，抱住左我。即使落住大雨，我都感覺到佢嘅淚水，係我令到你落淚，對唔住。

『其實你出事個陣，我真係好驚，我怕會冇左你，連道歉嘅機會都冇，直到你昏迷，我日日都係你隔離，祈禱你快d醒，因為我唔可以冇左你，我都覺的自己好自私，幾年黎冇諗過你嘅感受，一未咁去相體，我以為我自己係孝順，但係就忽略左你，對唔住啊！』佢不斷咁喊，我係雨中抱起左佢。

『係我對你唔住，如果我醒得翻，我一定同你求婚。』呢句說話出現左係我個腦入面。

我單膝跪地。

『啊穎啊，你願唔願意，嫁比我啊？』希望個天可以比次機會我，永遠咁拖住你，用一世嘅時間去補償你。

『我....我......我願意啊！』佢喊住咁講。