眾所周知，原本直男只係形容異性戀嘅人，但係依家社會上多左一組貶義詞---

「直男癌」。

係咪睇完都唔係好明呢？唔緊要，我地用具體例子。

姊妹K舉左個好好嘅例子。

「你同直男講『我要食少D野，近排肥左，要Keep fit呀～～～』，佢會答你『你咁都叫食少左？你食量都勁過隻何馬啦喎！』」

我為呢位男士默哀一秒鐘，多一秒都嫌浪費。

如果呢個例子唔夠具體，唔緊要，我地可以用另一個活生生嘅例子。

唔好懷疑，真係有人咁同我講過。

男友人K：「你件恤衫黎架⋯⋯？」

我：「係呀！」

男友人K：「你知唔知你件恤衫不停跌落黎？」

大佬！呢件衫嘅設計係咁⋯⋯

男友人K見我唔理佢就繼續大肆評論我嘅衣著，直到佢講左一句⋯⋯

「你D汗毛都有我D鬚咁長啦！」

我聽到嗰一刻居然無發火，我依家林返簡直都難以想像。

直到道別嗰一刻我都仲笑住同佢講「拜拜」。

我好冷靜。

因為我知道我同緊世紀直男道別。