是咁的，小弟今年五月21號生日。我自問自己都算愛打機之人，自己又有番工有儲少少錢，打算正日去黃金買PS4嗰新Plan，2380送人中6嗰個，當送俾自己嘅生日禮物。
於是乎，我約咗我一個零高登購買經驗嘅巴打，借五百一齊去買。就這樣，我哋嘅旅程就開始咗啦。
當日係星期日，我約佢喺深水埗d出口等。 經過漫長嘅等待，佢終於喺火炭冇攞到身份證過嚟。
我真係恭喜曬佢。
就係咁，我同佢一同出發黃金。
去到黃金，我哋打開門，唔洗講啦、多人到喊。
我哋行多兩步，已經見到樓梯上去第一間個櫃檯、展示緊個捆綁包嘅樣。
此時，我嘅內心滿懷期待與興奮。見到佢孤零零一個，寂寞無伴咁俾人擺咗喺櫃檯展示。 好慘、真係好慘，好想快啲帶佢返屋企，畀佢感受下人間溫情！
喺呢個時候我問我個巴打：「 係咪間間都係2380？會唔會有啲平啲？」
巴打表示：「 求9其啦，諗咁多做咩啫？」
注： 呢位巴打係清楚明白藍店嘅概念。
就係呢一句，就係我哋一時嘅爽快與魯莽，從此就搭上咗呢條不歸路。
我哋行返番去一開始門口個間個櫃檯， 見到個sales，開口就問佢：
「 門口嗰個捆綁包係咪就係2380嗰個。」
「係」： 帶住帽嘅sales答。
「好呀，就要嗰個。」
於是乎我哋畀低咗錢，並打算再行多兩轉，睇下其他配pc配件再返嚟拎。
………
我哋行完返嚟， 個sales見到我哋就即刻擰轉身攞部機出嚟。
正當我哋以為今日係如此順利，內心還有些按捺不住的興奮嘅時候，個sales攞出嚟嘅係一部正常到冇得再正常嘅ps4 slim。
我見到部ps4個包裝已經知道瀨嘢， 即刻問佢：
「 乜唔係捆綁包咩？」
「 個捆綁包都係slim嚟嘅， 只不過係隻game我另外拆出嚟畀你啫。」： 個sales笑住口同我講。
我見到佢呢個笑容，聽到佢呢個標準回答。 我，都已經無話可說。
咁算數啦，呢個時候個sales已經拆咗ps4 包裝，慢慢攞緊啲ps4嘅配件畀我哋check下。
咁都唔使點check啦，我見到佢咁好笑容，又見到佢檯面攞出嚟嘅又有手製又有啲線咁，應該冇問題嘅。
就係呢個時候，個sales喺下面攞咗一盒hdmi線，問我哋使唔使買。佢仲要話呢條線同原裝線唔同，原裝線會有些小延遲呢條就絕對唔會。
唔使講啦，我又冇錢，無謂再買過條啦。
於是我就同佢講：「唔使啦。」
好，check完部機， 都Game啦。話咁快佢就唔知邊度攞咗一盒碟出嚟，就話係捆綁包嗰3隻game， 咁我見到個包裝又係真係捆綁包嗰3隻game， 應該啱數……
等陣………… 三隻？ 黑人問號？？？……
『 點解係三隻嘅？』
呢個時候我內心一股無比的惶恐，突然湧入我每條神經，我嘅腦袋開始高速運轉，經過了0.01秒的思考， 我得出一個結論：「 仲爭一隻人中喎！？」
個sales聽到我咁問法，用番啱啱嘅笑容同我講：
「 哦~隻人中要頭十個預訂呢部ps4先會送㗎。;)」
『WTF？？？』 我真係好O撚咗。 點解佢可以不驚不恐咁樣出呢個標準答案？ 嗰時我成個人頹咗， 我個巴打見到我咁嘅七樣就幫我問佢：
「但係我見其他人都會有喎。」
「哦我唔知人哋呀，我係咁樣囉。
我都係折咗個盒，另外俾隻game你。隻人中係分開送嘅，咁我訂嗰陣時都冇， 我都送唔到畀你㗎， 我有我實送嘅。」
「哦~ 原來係咁。」
我聽到佢咁樣答我個心都好過少少， 起碼冇咁頹。 但係到後面諗返轉頭我都係覺得自己好白痴，點解我可以信佢講野。
於是乎，我哋帶著無奈嘅心情拎住部ps4行出門口，我哋行番返去深水埗站。 儘管佢畀咗個答覆我， 但依然無法停息我內心不忿。 我拎部電話出嚟打開google，開始查吓有關嘅嘢。
我發現呢個捆綁包嘅人中之龍的而且確係會送完即止，但係就算係咁，佢都冇理由準備得咁少呀。
我同時又查到有人話可以憑收據去門店換取。
此時我哋行返番轉頭，問佢攞番張冇畀到嘅收據， 但係見到張收據，仲難明過張醫生紙，已經知道換唔到㗎喇。
我哋二話不說即刻去到sales面前話我唔要，問佢可唔可以退貨。
個sales好冷靜咁答我：
「{你係咪睇電視？}
呢個我哋做唔到，賣咗出去嘅就退唔返。」
我覺得當時自己真係好傻仔， 我個巴打同我講：「開咗單補返收據已經好難有機會退。」 如果我冇問佢拎收據，直接同佢講退貨，可能仲有啲機會……
就係咁，我哋再一次但係帶著比上次更加無奈嘅無奈，行出呢個門口。 當時嘅我，心情久久不能平復， 真心係要喊出嚟。
『我Dllm呀！我專登由上水去深水埗諗住買一部ps4 ，開開心心返屋企玩當生日禮物真係咁難？？？』
唉， 無奈嘅我經過一番頹廢與掙扎，加上巴打嘅勸導， 一開始打算賤賣嘅我最後都係冇放到。
到最後，手持著沉重ps4的我，站在東鐵綫的車廂裏等著回家。車廂因為有些路軌的不平而導致抖動。我看著懸吊在天花的扶手，因車廂抖動而左右搖擺，就如我的內心……
看著窗外的景物不停變換，一樹一樓一車，再過這個彎道就到大學站了， 此時我那位巴打對我說：
「 你估下佢會唔會跟埋其他嘢呢， 有咩理由突然之間sale條hdmi呀。」
於是我哋帶著一絲嘅恐懼，係大學站開始咗神聖嘅開盒儀式。
………
……
…
…
經過詳細嘅開箱化驗報告， 我哋發現，
我哋係畀人昆咗隻人中之龍，
再加條HDMI線。
屌
