黃家明望住張瑜嘅WhatsApp icon望咗兩個鐘，終於敲咗一句野俾佢。

「張瑜，我鐘意你。」

喺另一方面，喺到同曉琳WhatsApp緊嘅張瑜收到黃家明嘅信息。

「呢個......係邊個嚟？」張瑜心諗。

冇計啦，張瑜讀4A班，黃家明讀4D班，平時都冇乜可能傾計，更何況黃家明咁邊緣，張瑜就更加冇可能會識佢。

張瑜只係當黃家明係嗰啲喺愚人節周圍玩嘅人，所以就冇理佢，殊不知黃家明係真心向佢表白。

「點解......佢明明睇咗都唔理我......」黃家明望住個藍剔自言自語。

黃家明再一次send咗嗰句野俾佢。

「張瑜，我鐘意你。」

張瑜再一次收到之後，都仲係當佢喺到玩緊，但係今次佢冇再忍。

「屌你唔好再玩得唔得呀？」張瑜說。

黃家明呆呆地望住呢句野，心情久久未能平復。

「你唔鐘意我咩？」黃家明不心死地問。

今次到張瑜呆咗。

「你係邊個？」張瑜問。

黃家明今次真係受到打擊。

自己鐘意嘅人連自己係邊個都唔知，哈哈哈......

諗到呢到，黃家明不禁大笑。

「冇野啦，愚人節快樂。」黃家明說。

張瑜收到呢句野之後，只係將黃家明封鎖之後就繼續同曉琳講野。

同樣嘅事，張瑜遇過好多好多，只不過黃家明係最冇膽嗰個，連名都唔敢講。

黃家明知道張瑜封鎖咗佢之後，面色變得猙獰。

「既然你地都當我冇到，係咁欺凌我，我會令你地後悔㗎！」黃家明說。

「第一個係邊個好呢？就你啦......郭稀維!」黃家明迅速鎖定目標。

喺多年之後，大部分曾經欺凌過黃家明嘅人，都離奇死亡。

殺人犯嘅誕生，好多時都係因為咁。