- 人物介紹：-
喪侵 : 社團甲新扎四二六 ，出名口臭、串咀，中意溝女。
雞雜 : 社團乙現任龍頭，兼任白紙扇，其來歷於江湖上甚為神秘，盛傳老婆係前仙落都夜總會紅牌媽咪，人稱大嫂。
炸爆，又名肥仔爆 ∼ 社團乙小頭目，善長敲腳骨，急於起朶，但疑似索K太多，長期精神失常。
惠姐 : 社團甲東區睇場，人稱Tomboy惠。
四仔安 : 社團丙紅棍，為人陰濕，工於心計。
- 社團背境資料：-
社團甲 : 新冒起社團，早年於銅鑼灣經營夜總會、桑拿等發跡。
唯於之前某歷史階段於老尖插旗，以抗衡其宿敵社團乙於九龍之擴張。於十幾年前同社團乙喺佐敦老尖邊界開大片，互有死傷。後來經雙方老叔父講數，兩社團約定以佐敦道為界，南面至尖沙咀仍歸社團甲管轄，北面油麻地歸社團乙，而以佐敦為兩方援沖區。經雙方同意，佐敦區歸社團乙管理，但不設堂口，亦不拓展業務，以示和平友好之意。
因其業務發展需要，社團甲近年亦於其經營地點提供“糖果零售”服務。
社團乙 : 傳統社團，早年於旺角油麻地開雞檔起朵，現已成功轉型為“廉價糖果製造商”，兼營糖果批發，且近年已與社團甲成為利益共同體，生意甚大，大家和氣生財。
因其歷史傳統，其會員卓號之中皆有“雞”字，自從開山龍頭“雞毛”猝死，於今已幾度改朝換代，繼任話事人有“雞片”、“雞肝”、“雞糊”，及至當今大佬“雞雜”。
然而，樹大有枯枝，社團乙常有志大才疏之年青一輩，長年盤據於佐敦此一勢力真空地帶，一方面急於殺落老尖起朵，另一方面亦靠“扮勇武”、挑起兩字頭間嘅茅盾，撈咗唔少油水。
社團丙 : 傳統社團，曾一度稱雄於九龍半島，然而廿幾年前與社團甲、乙開大片，大敗而回，現只可盤踞於紅磡土瓜灣一帶，以經營老翻日本四仔苟延殘喘。
- 場景及對話內容：-
(一) 話說喺早春三月，尖東某茶餐廳，有一大班社團人仕聚集。
喪侵： “屌！又話炸爆係你細佬，最撚聽你話嘅？條友家陣當你流個喎！阿雞哥！”
雞雜： “喂，侵哥，我同下面講撚哂㗎喇，所有水喉cut哂！ 條肥仔以後冇阿公條水喉射住，自己搵食又冇本事，唔使一個月即刻返嚟攬我大肶啦！我話嘅！”
侵：“挑！自己教靚又教唔好，我話出手幫你教你又話唔撚好！點呀？要我忍一個月呀？我個字頭流㗎？我唔撚係見你近年D糖賣咁平比我？我收鳩咗條肥仔皮啦！重使比面你？”
雞： “屌你老味，得你要忍呀？我上個月夠叫你條靚唔撚好下下帶把牛肉刀嚟兇鳩我D人咯！佢有聽咩?”
侵： “屌！唔係你細佬下下攞支斧頭去我麻雀館兇鳩人比陀地，我地使出架撑？....屌！.....依家乜野年代吖？重係靠收陀地開飯？都On撚鳩嘅！.......阿惠D牛肉刀係我比佢嘅！點吖？”
雞：“喂！炸爆支斧頭係佢自己tart返嚟嘅，我冇幫過佢！佢自己笠到返嚟揾食係佢本事啫！你幫自己條靚置架撑嚟兇我D細佬？你話啱唔撚啱數先？冇我比糖你賣你有今日？”
侵：“挑！ 冇我買你D糖你夠冇今日咯，有錢大家揾啫雞雜！你叫炸爆應承掉咗把斧頭，我咪考慮下叫阿惠收鳩埋D牛肉刀囉！.......之不過依家太遲囉！我吹撚咗雞喇，我銅鑼灣支馬過緊嚟！今晚一定收鳩條死肥仔皮！”
雞雜：“唉.........你估你家陣叫雞咩喪侵！乜都即刻呀？......你比D時間我吖，我同條肥仔再嗲下吖......”
侵：“挑！做人大佬喎！都冇牙力嘅！”
兩條社團大叔講數，不可開交，就在此時，茶餐廳外行人一陣驚呼狂奔，只見一條衣衫襤褸嘅肥仔走過，手執一支生銹斧頭上下揮舞，兩眼如夢似幻，口中念念有詞：“.....斬撚死你！......斬撚死你班仆街！.......”
