話說上午睇完個「摑林作」之後，又見到另一個令我好有感覺嘅POST。

「我們的世代」音樂劇。

如果有玩舞台嘅朋友，都知道音樂劇係一件幾難實現嘅事，

當然我唔夠講呢套會好好好好睇(我都未睇)，

但有勇氣去做呢一件事，我覺得應該要有掌聲去支持一下，

無他，香港太多負面人專搞負面評論，

我唔係唔鍾意負面，只係打擊完又幫唔到人，講嚟做咩？

我成日都想鼓勵唔同人去搞多D創作，目的都係好自私，

我自己搞唔到，都想人地好！我無天份無機會唧、唔代表下一代唔得？

諗返起以前玩舞台嘅日子，排戲排戲同排戲，為左一個夢想可以玩到自己謝哂而唔會去問點解。

今時今日，點解會去問自己，呢D野到底值唔值得去做？

又見到好多人都會計過度過先去做一件事，重要係一件自己鍾意、想做嘅事，

點解要考慮咁多？

主要係因為怕衰、怕比人呃、最慘嘅係怕比人笑... ...

所以我覺得好多網上寫作人都係一個勇者，而實際付出金錢、時間同精神去攪舞台嘅人，我更加覺得要支持一下。

一LIKE、一SHARE都唔係太難(我真係無錢無時間去睇，但唔代表無其他人鍾意睇)，何況重要覺得佢地嘅行動係有意思添。

所以有機會，請大家高抬貴手，SHARE一下。

比我地下一代嘅青年人知道，將來唔係咁灰，只要大家行多一步就得。