喂喂喂 新年快樂呀!
祝大家未來依一年都心想事成 身體健康
仲記得有個老師話祝人心想事成就夠 諗哥樣得哥樣就乜都有喎
不過我覺得無健康既身體就咩都假既 哈哈
仲有仲有 未來依一年 都要幸福呀~
最緊要既 梗係繼續支持我啦!!
對唔住呀咁耐無出新既文 因為我每次寫完之後我都覺得唔滿意 所以就del哂 唉
好多謝仲有人記得我 inbox我 你地既支持同鼓勵我都記得架
最後呢 祝大家2017年搵到自己既目標同夢想 然後勇敢地去衝啦

重新開始
回望番過往一整年 唔知大家會點樣形容岩岩走過既呢一年呢?
人好奇怪 總係會容易記得唔開心既野
於是好多人都會話哂左一年 又或者講得出好多唔開心既野
但係偏偏 開心既事又唔係好講得出
可能人生就真係好似我睇過既某本書所講 唔開心既野總比開心既野多

係咁架啦 學高登仔話 每個人都心想事成會天下大亂
只不過 我地可以選擇去記得開心既事 而忘記唔開心既事
你會話 咁容易去忘記唔開心既事咩? 講就容易
新既一年開始啦 過左一年 係咪應該都放低 然後重新出發呢?
而過去呢一年 我用左黎沉澱自己
曾經做過既錯事 曾經錯過既人 曾經唔知自己做緊D咩野
都用左一年去反省 然後答應自己知一年之後就要好好放低
踏入二十歲既一年啦 如果問我黎緊依一年有咩目標
我想多D陪屋企人 去下旅行又好 得閒帶佢地食好西又好
從前既自己靜係諗到自己 中秋節人月兩團圓 卻忘了和家人共嬋娟
對愛人可以無微不至 卻忽略父母愈黎愈彎既腰骨
一樽又一樽空既鐵打酒仿佛想話我知 佢地唔再年輕了
我叫長大 佢地叫老去
所以大家都係未來依一年多D睇下自己爸爸媽媽啦
行樂要及時 但愛亦別太遲
最後既係 改下自己容易燥底既性格啦 每一年都係咁講 不過無一年做得到哈哈 不過我相信終有一日會改到既
最後最後 講多一次啦 祝大家新年快樂呀!
(其實我搵唔到一首岩洗既歌 咁就分享首正面既歌比大家啦!)
(應該都聽過架啦 但係好多人都無乜點留意歌詞 今次不坊睇下呀)
(祝你地未來依一年都可以勇氣100%)
{儘管超級寂寞的夜晚已降臨}
{但嶄新的早晨也必將來到嘛}
{對呀　用１００％的勇氣　能做的就是更盡力嘛}
https://www.youtube.com/watch?v=BAQ-GtewqD4
.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝