人既一生，唔會所有人都對你好，甚至會遇到一啲立壞心腸既人。
佢可能係係公事Freeride你既人、睇你唔起既人、係你背後打小報告既人，甚至係背叛你既人。
你可能好憎佢，甚至想佢死。你會係到諗：『點解我就要咁辛苦，但佢就咁爽皮？咁唔公平，我要佢都一齊咁慘！』
咁係正常既。自古以黎，大部份人都愛恨分明。你對我好，我可能會對你好；你害我，我一定搵機會害番你。唔通你害完我，我仲要比錢你？
俗語都有話：『有仇不報非君子』『你做初一我做十五』佢害你，你係應該憎佢，甚至報復，都係合情合理。
以前既我都係咁諗，不過，今日既我會選擇同佢講聲多謝。
呢一刻，你可能會問：『你痴線嫁咩？講多謝？唔係佢你洗咁辛苦？唔係佢既話可能有好多野都可以輕鬆好多呀！』
我唔否認，人生中如果無左呢類人渣，可能你會行得更順暢，更開心。
不過如果人生無左呢啲挑戰，你仲會係依家既你咩？
掉番轉諗，多得有佢，先會有依家既你。
好彩佢當日Freeride你份Project ，你今日考試對科目有高度了解，而唔係只識一Part唔識其他。
好彩佢當日係你背後中傷你，你想睇清楚邊一個先係真正既朋友，係你失敗既時候依然留係你身邊。
好彩佢當日睇你唔起，你唔忿氣，先捱到今時今日。
好彩，當日有呢啲衰人出現過係你既人生入面，比左一個又一個鍛練既機會你，你先可以變得更好、更有料。
你學識左點樣提防人，學識左點樣靠自己
人既一生，唔會所有人都對你好，甚至會遇到一啲立壞心腸既人。你可能好憎佢，甚至想佢死。但呢一刻，我會同佢講聲多謝。
