分享故事之前 同大家講個好消息呀
有個生活小記既專頁邀請我寫文呀 哈哈我呢D small potato既文章都有人中意
不過最緊要係多謝大家既支持
咁呢我既文除左會係紙現出現之外 仲會係生活小記出現架
大家不妨去禁個like呀~
亦趁個機會講下最近社會熱烈討論既人大釋法
講真呀 新一代邊有咁多人真係想搞港獨 想理政治呀
自私咁講 可以拖住另一半開開心心 快快樂樂咁生活
其實 有邊個真係想理政治搞得有幾柒呀
新一代 至少我啦 只想聽下歌 同朋友食下飯去下旅行 同屋企人同大家分享下故事
咁就足夠架啦 又或者得閒回味番過去
令唔開心既自己 再次開心番 就好似下面所提到既咁
好啦好啦正文啦

係呀我哥個年代唔係叫動漫 而係叫卡通
前幾日睇左遵理po既一條片 係講關於最愛既卡通片主題曲
(拿開心share比大家睇啦 https://www.facebook.com/beaconcollege.fans/videos/1507491352601636/ )
睇完之後 好多旋律突然間就係腦海既深處浮現出黎
仲記得哥陣時我地仲未識得跟小兔飛奔去 亦唔會搵埋熊同熊貓一起去
更加唔識哥一個叫山並既先生

除左彷徨同未夢一齊湊個外星BB之外 我地仲會哈姆太郎傾計 問佢聽日係咪會比今日更開心 知道沒有花都可以 令這世界添歡笑
又會擔心唔知哥班大頭狗仔隊搵得番佢地既主人未 邊個估到個天有場大雨灑 長大後先發現誠心去求幸福唔係話咁易
小時候我地天真地相信 就算無太陽之手 操縱未來都係可以憑雙手
即使困局中 都唔可以比心魔操縱 勿忘初衷 藏在心裡的影子引領
或者明天應更好應更天晴 但係我都係唔知點解來成年為何成人悶到要學難學
雖然有時候地鐵人流都不多我都出錯站
不過原來無聊日子都有意思很多趣事
本土製作話我知時空消逝最驚險不過　可結伴去改寫更多
壓力太大 細個會對住個海大叫Crush alright Crush on hippy
哥陣未識lock自己既心靈 因為若被傷害夠 就用一對手
面對勁敵 都要繼續上全力上 無懼每個對手招式多誇張
需知道遇怪魔我即刻變大個 遇見高手痛快得多
雖然我既童年已經同美美頂帽一樣 留左係數碼世界
但回想番細細個衝番屋企睇卡通 係電視前面冒險既日子
縱使小伙子長大了 仍然覺得回味無窮
卡通教我地既道理 亦會長存係我地心入面
答應自己的她會守護你 決戰動盪世紀 飛越漆黑照耀你
答應自己追夢抬頭望 向前看 英勇頑強能突破
最後講句 放學ICU
假設咁好彩活到八十歲 人生都過左差唔多四分一Lu
即係你拎張白紙出黎 分八十格 然後填黑二十格
剩下既空白位置 就咁望落去 原來都唔係得番好多
不過好好彩 至少我有一個好豐富好開心既童年
至少 我唔係靜係識唱 世界真細小小小
因為呢個世界愈大愈發覺 小得 並唔微妙
幸好 我地有時候仲可以活係自己既世界 同自己既比卡超 手握自己既暴龍機 同一次係夢中冒險
{人人期望可達到　我的快樂比天高}
{人人如意開心歡笑　跳進美夢尋獲美好}
{爬進奇妙口袋裡　你的希望必得到}
{離奇神化不可思議　心中一想就得到}
(其實我最中意既 係叮噹)
{多喜愛　誰都知我真喜愛 DORAEMON}
https://www.youtube.com/watch?v=UK05Zxw_z58

.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝