『你估下我今日晏晝見到邊個？』家妍問。
『見到邊個咁巴閉呀？』我問。
『我見到呀賢呀！佢竟然拖住件豬扒，
你話有冇攪錯呀，同我散咗之後品味就差咗咁多！』家妍說。
『噉其實你應該要感激你自己離開咗一個品味變得咁差嘅男仔，
明明有你呢個又靚又叻嘅女朋友都唔好好珍惜，
仲要用交友Apps溝女，嗰日佢有冇見到你呀？』我說。
『冇掛…我急急腳走咗，
我又冇化妝、又冇戴隱形眼鏡、又著住街坊裝，
唔想比佢見到我咁樣衰呀！』家妍說。
『其實你都同佢分開咗一年啦！
點解仲要在乎佢點睇你呢？你宜家做返自己唔好咩？』我問。
『一年前，大家分開咗之後，其實佢一直都有搵我，
佢想我原諒佢，不過我冇比機會佢，
我仲一直搵唔同男仔朋友影合照放上Facebook，
我好想比佢知道我仲有市場，
就算我冇咗佢，我都可以過得比佢好！
不過一個月前，佢冇再搵我，
而嗰日，我唔想比佢見到我自己一個，仲要冇好好打扮自己！』家妍說。
『你已經成功咗啦，佢漸漸相信你自行製造嘅假象，
可能你會認為自己真係開心幸福，
不過你係做緊一個同自己鬥氣嘅愚蠢行為。
你一直都放低唔到佢，你想激佢希望佢可以返嚟搵你，
你希望佢知錯，不過你又唔能夠比多次機會佢同埋你自己，
究竟你噉做又有咩意義呢？』我說。
『我想比佢知道我過得比佢好，你可能講得冇錯，
但我亦唔能夠比多次機會佢，因為我對自己同佢都冇信心啦！
就算我仲鐘意佢，宜家都已經太遲了！』家妍說。
在愛情裏面有一種令人迷茫的情況，
就是在當兩人分開之後開始的拉鋸戰，
用一個重新定位為前度的身份進行着，
似斷還未斷的關係令你十分糾結和疑慮。
明明分開了仍然會渴望對方回來找你，
但他回來找你的時候卻扮作冷淡，
恐怕對方又一次給你承諾、希望，
經歷了最痛的你仍然對愛情有信心嗎？
而他沒有找你的時候，令你心如刀割，
夜夜難眠的你會放下面子找對方嗎？
當時間讓你慢慢消化到對方曾經做過的事並不是罪無可恕，
他在你心目中的位置仍然沒有改變，
你亦能夠給對方一個機會，
希望大家都能重新開始。
同時，他亦有可能因為被你拒絕了無數次，
自以為自己是活該的人，應該得到應有的懲罰，
不知不覺他亦開始遍體鱗傷，
絕望的他開始想把你慢慢地放下，
甚至開始新生活。
最後你和他會如何走下去？
你在乎的是自己的面子還是對方？
你會不會再重新接受一個曾經犯錯的人？
在拉鋸戰後誰是勝利不是重點，
欺騙別人的你，若果連自己的心都欺騙了，
你不會明白自己究竟是恨他還是愛他。
不要再裝幸福吧！
幸福並不是用來曬命、報復、浪費。
曾做錯的人請不要再自責，
曾受傷的人請不要再害怕，
愛情並不是只有對錯，
還有很多說不清的感覺和希望。
勇氣不只在表白的時候最適用，
挽留和原諒對方的時候更適用，
把握時間和機會，幸福才會來臨。
『活得比你好！』是一場沒完沒了的比賽，
誰先拍拖、結婚、賺大錢、買樓、生仔，
就算給你先做到了，哪又如何？
你能活得快樂嗎？
『活得好』其實很簡單，過得快樂、自在、成長，
更加要學會放下、淡忘痛苦，能夠面對真正的自己。
家妍在我面前哭了一場，
然後，她回家把從前買給呀賢用的杯子、牙刷、髮泥、衣物放進垃圾筒裏。
『掃光了物證 炸毀全部風景
難道懷念方 可以暫停』
有時候人喜歡回憶更多，
因為回憶可以伴隨一生，
而人的感覺是變幻莫測。
感謝讀者用了寶貴的幾分鐘進入此文章細閱
本人只想與讀者有所共鳴、共同成長
FACEBOOK 專頁: 自卑紀念碑
希望可以榮幸地得到你們的 『讚好』
